Kay Comisión Ocasional Aampetra wawakunata llakichishkamanta llankashkata rikuchinka.
Shinami, kamachiywan katinata, yanapanata, hayñita allichinata rimarka.
Shinallatak chay ñan patakupi minkashkakunaman, ayllukunaman chayachinka.
payayashka 80 llakikunata ña kamachiywan katikun, chaywan Fiscalía kamachiy taripaywan katinka.
“Shuk wanayta katikushpaka mana sakinchik”, shinami Silvia Salgado kamachiy killkak rimarka, payka tantarita pushakmi kan.
Llakirishka ayllukunaman, kishpiychik kamachikkunaman, shuktak kamaywasikunaman, tantarikunaman willarka, Mamallakta Tantanakuy tukuy pankakunawan yanapanka. Llakichikkuna kullkita kuna kan nirka, kaytami tukuykuna rikuna kachun rimanka.
Chaytami llakirishka wawakunapak, imillakunapak ayllukuna mañarka, kay llankaykunawan ama llaktayay tukushka kachun mañarka.
Minkashkapak shuktak llankayka, Salgado rimashka shinallatak, kay llaki katinata kamaywasiyachinkapa, sapan kamaywasi, pay imatalla ruranata ñawpakpi achikllata charina kan. Kaytaka “wanayta utka katinka kamachiykuna harkashka, imamanta katishkata, allita apanakushkata, shuktak ukllana hillaykuna illashkamanta shinanka”.
Kay mushukyarikuk ukupi, Consejo de la Judicatura kamaywasimanta, Francisco Bonilla hatun kamachik, llakichik runa karupi kakta wanachinata usharinkami nishpa tukuykunaman riksichirka, shina llakirishka runakuna ushashpa katikpimi llakikuna ashayarishpa katinka, kipaman shamuk runakuna llakita anchuchinata riksinka.
LM/pv/jc-kichwa
