Pakllamanta 1500 tarpukkuna, wakra wiñachik uchilla tantarikuna, chay coliseo Augusto Nicolás Martínez yachana wasipi tantarirka.
Chayka Martínez shulka, Ambato kitipi, Tungurahua markapimi sakirin.
Paykuna imapak Kazawala urkumanta yakuta pushamushpa chakrakunapi hichanka, chay yakuka 36 waranka ayllukunata yanapanka.
Tayta José Serrano, Mamallakta Tantanakuy, rikunkapa chaypi karka. Paypak rimaypi, Yaku Kamachiy tiyakpipash, punasuyu chawpi llaktakunamanta murukuna llukshichun tarpuyta yanapanka, chaypak tukuylla llaktayta rurami kan nirka, kay tarpuy pampakuna kullkita mirachik kuyu tukuchun nirka.
Mamallakta Tantanakuyman chay yakuwan llankaykuna ayllukunaman paktachun katinka. “Rimashpalla sakirishka mana imatapash nisha ninchu, pakllapi kawsak runakuna, tarpukkuna mañaykuna utkashpa chayachun shuyan”, nirka. Yakuta parkunaka kallari llankaymi kana, kay llaktakunaka achka usyayta charinchiktami riksin.
Llankayta katinka
Tayta Serrano, kay llankayta mana washaman sakishpa chinkanata usharinchu nirka. Chaymanta Mamallakta Tantanakuymanta yakuwan llankayta katinata mana sakishun nirka, paykuna imashina llankukta rikuchinatami charin.
Shamauk 11 puncha, kapak killa, Mamallakta Tantanakuypi, chay Junta de Regantes pushakkunata, Prefederación de Tungurahua pushakkunata chaskishun, chaypi yakuwan tarpuy llankayka kallaripi mañashka kachun, yaku kamachiyta allichishpa shuk nikita churana.
MC/pv/jc-kichwa
