Kayna 6 puncha, kapak killapi Relaciones Internacionales minkashkata pushak, Doris Soliz kamachiy killkak, chay Grupo de Amistad con Rusia tantarita pushak, Luis Quijije kamachikwan shuk tantarita charirka.
Shinallatak, Leonid Slutskiy, Relaciones Internacionales de la Duma pushakwan, Sergey Sheleznyak, Comité tantariman kimirishkawan rimanakuyta charirka.
Chay Rusia llaktamanta kamachiy killkak, ishkantin Mamallakta makita kushpa llankanata rimarka.
Shinami llaktakuna allita yanaparichun llankanka, shinami Doris Soliz, kamachiy killkak minkashkapak shutipi rimarka, José Serrano Mamallakta Tantanakuypak shutipi arinishkata paktachirka, chayka 2018 watapi chay Segunda Conferencia Internacional de Parlamentarios contra las Drogas ñukanchik Mamallaktapi pusharinata rimarka.
Shinallatak, hatun kamachiy killkakshina, ishkantin Mamallakta makita kushpa llankachun, kimirinakuchishpa llankani nirka. Kay Ecuador llaktamanta, chay Acuerdo Internacional para evitar la Doble Tributación rimashkata paktachinka, llankaywasikunapura llankachun yanapanka. Yapa shuktak yuyarikuna tiyan, kaytaka Cancillería kamachikwan ishkantin Mamallaktakuna allita kimirishpa llankachun yanapanka.
Kamachiy Soliz ishkatin Mamallakta llankaykunata paypura paktachishpa llankan nirka, kay Mamallaktamanta tarpushka murukunata kachanchik, Rusia llaktamanta sumakruray kapukkunata chayachimun, shinami yanaparishpa llankan”, rimarka.
Kay tantaripi rimashkakunaka, Rusia llaktamanta alli yanapaykunata chaskinami karka, chay yanapayka allpa ama wakllirichun harkay hawami kanka, shamuk wataka kay Gestión Integral de Riesgos kamachiyta wiñachina llankaymi kanka.
CG/jc-kichwa
