Shuk watata shutikunata tantachishka kipa, Mamallaktapak 21 markapi yuyaykunata hapishka kipa, kay Red Acuerdo Contra el Cáncer, “Iniciativa Esperanza” aknayta rurashpa willarka.
Shinami, Cáncer unkuyta takankapa Mamallaktapak makipi mushuk kamachiy killkarichun kamuta churanka.
Kay kamachiyka llaktayukkunapakmantami llukshishka kan, chay llankayka 18 puncha, kapak killapi, 15h00 sayllata, José Mejía Lequerica ukupi pusharinka.
Chaypimi Mamallakta Tantanakuyman kamachikkuna, kamachiy killkakkuna, minkashakata pushakkuna, Ministerios de Salud kamachik, Educación kamachik, Cultura kamachik, Trabajo kamachik, runakunapak tantarikuna kan.
Shinallatak Fondo de Naciones Unidas para el Desarrollo de la Infancia (Unicef) tantari, Organización Mundial de Salud (OMS) tantari, Cámaras de Comercio tantari, Industrias tantari kachashka, Academia yachanawasi, yachakukkuna, llakta kamachik: kitikamachikkuna, markakamachikkuna, shuktak kamachikkunapash karka.
Mashnata rikukpika, sapan watami 7 hunu runakuna wañun, chayka allpapachapi 12,5 % patsakri nishaninmi. Kay 11 hunu runakunami apnkara unkuyta charik rikurishka kan, shamuk 2020 watapak 16 hunu unkukman chayanka. Shinallatak kay Ecuador llaktapi 2020 watapak, 32 waranka mushuk unkushkami tiyanka, 20 waranka wañushka kanka.
Mushuk yuyayka apankara unkuyta anchuchinkapa saywakunata yallishpami unkushkata, ayllutapsh hampina kan, tukuyta hampina kan, tukuy runakunaman, tukuylla kamaywasiman, shukpak kamaywasiman, sapsiaman riksichina kan, unkuyta hampinawan riksinakuna, unkushkata kushiyachina, runakunawan rimachina.
Kay 10 tiksi hawa llankana: Consejo tantarita wiñachina, taripana, harkana, tukuyta hampina, ñapash taripana, hampina, kutintak unkukta shayachina, chimpapurashpa hamipna, tawkasami kushiyachita churana, unkukta kamana, purina, purina antawata rikuna, manarak hampina wasiman kachashpa allichina, wasipi, aylluta, mashna kullki tiyakta rikuna.
JLVN/pv/jc-kichwa
