Kay yallik contralor Carlos Pólit kamachikta llaktay wanachika pay llukshishkamanta tukurirka.
Shinami chay Jorge Glas kamachikta wanachina, chay Comisión de Fiscalización ukupi sinchi rimanakuy kark.
Chaymantami kay rimanakuytaka María José Carrión kamachiy killkak pusharka.
Aymuray killamanta, mushuk kamachiy killkakkuna llankaymanta, kay Comisión de Fiscalización tantari sinchi llankayta charirka.
Kamachiy killkak María José Carrión rimashka shinaka, Odebecht llankakwasi llankashka taripayta rurashka kan, chay taripayta Fiscalía paktachishka. “Rikurishkaka sinchimi kan, yallik contralor Carlos Pólit chay llakiman kimirishka kakta riksinchik, Mamallakta Tantanakuypika llaktaywanachiyta rurashka kan”, willarka.
Chay Pólit hatun kamachikta llaktay wanachina paktachinka achka apuchikuna tiyarka. Kay taripay katikuypi llakikuna rikurichun alli taripaykuna rurarishka kan. Kamachiy killkak María José Carrión, kay taripaywan rikuykunaka punchantami llakita tarishpa rikuchirka.
Shinami Carrión rimarka, chay Quito Cables llankay, Metro de Quito llankay mana hatun llakichu kan, chay Astra llankaypash mana llakichu kan, shinpash chaypika llankakunawan llakimi rikurirka, shinallatak Clementina hatun allpata rikuy, Ambato llaktapi mashkay mana hatun llaki rikurirkachu. “Kay rimashka wanachiykunata katikunchik, willachun mañashkami kan, shukkunaka tukuymi chayan, wakinkunaka mana achikllachu kan. Tayta José Serrano tapuna ñanta churashka, tukuyta willachun churashkata kutintak allimi kan ninchik”, rimarka.
MC/jc-kichwa
