Tukuy Código Orgánico de Organización Territorial (Cootad) kamachiyta allichinka, kaytami Comisión de Gobiernos Autónomos tantari kay kanchis killata llankanka.
Shinami tantarita pushak Montgómery Sánchez rimarka, kitipi kawsak, pakllapi kawsak runakuna allichirichun kamachiyta allichina nirka, kaytaka (GAD) kamachikkuna rikunata charin.
Llaktayukkunapak kawsayta riksinkapami achkata yanapan, kay willaytaka kamachiypimi riksichina kan, shinami Loja, Esmeraldas, Carchi, Los Ríos, Manabí, Guayaquil llaktakunapi kawsak runakuna paykunapak yuyayta churarka.
Chay llaktakunapi kamachikkuna, yachakkuna, kapukyachikkuna, mañayta churashkata hapirka, chay markapak manyapi kawsak runakunapash mañayta rikuchirka. Kay llankayta minkashka Mamallaktapak Llankayñanta rurak killkakamayukkuna yanapashpa purirka.
Pay Según Sánchez, shuk kamachiyta “hatun kamachikpak patakunata, kamachik runakunapak kuchupilla kachun sumaychanka, kullkiyayta, llaktayta”, rikunka. Shinami tiksi mitachita, ñanta, parkuyta, kapukyayta, riksinata chapanka. Kamachikkuna ayllullaktata yanapashpa llankanka.
Kay willayka 2018 watapak, kullakilla tukurik punchapak ñami allichishka kanka. Kunanka tantarishka yanapakkunami allichishpa llikakun, nikikun. Ishkayniki atinakuyka kallari kimsa killapi pusharichun suyanchik.
Kay Mamakamachiy, paypak 249 nikipi, Mamallakta saywapak 40 waranka tatki ukupi tukuy kiti, chaypi kiti kashpa, kasiklla kawsayta, kullki wiñariy yanapayta chaskina. Shinami kay llaktakuna allichirishpa katinka.
LILA/pv/jc-kichwa
