Kay 80 waranka tukuylla mitachipak llankay unipak kanka, llankaypi llaki tiyashkata sakichinkapa ishkaymi kan.
Chayka Comisión de los Trabajadores tantari 2017 watapui sakishka kan.
Kunanpika llaktayukkuna churashka Código de Trabajo kamachiyta allichinkapa 700 mushuk yuyaykunawanmi kan, chayka pawkar killapakmi allichishka kanka.
Shinami Liliana Durán, Derechos de los Trabajadores tantarita pushak, sitwa killapi Servicio Público kamachiypak 58 nikita allichsihka karka.
chayka kunan llankakuk Losep kamachiypi tiyan, chaypmimi 80 waranka tukuylla mitashikunapak llankayta unipak kachun riman, chaymanta Código de Trabajo kamachiy, Losep kamachiy allichirishka kan, chaypimi llankaypi llaki tiyashkata allichin nirka.
Kay kamachiyta allichinkapa 24 markakunata llaktakunaman riksichishpa purishkami kan nirka, chaypi llaktayukkunapak rimayta, mañayta hapishka kan, kipaman mushuk Código Integral de Trabajo kamachiy wallparikun nirka, sarun 20 puncha, kapak killa, Orellana markapi rinamankuy tukurirka . Chay punchamanta tukuy pankakuna killkarikun, shinami kallari kimsa killa 2018 watapi, Código Integral de Trabajo kallari killkashka kanka.
Shinami kay llankayta minkashka sinchita tukuchinkapa llankakun, paykuna arinishkata paktachina, llaktakunaman willanka, llaktayukkunapak mutsuykunawan pakta kamachiy killkarichun allichinka, kipaman llaktakunapak llakita, mutsuykunata allichinka.
RSA/pv/jc-kichwa
