Chay Pastaza markamanta Henry Moreno kamachiy killkak tarpuyriksina, llaktawiñarina kamachiyta churarka.
Shinami kay kamachiywan pakllapi kawsak runakunaman llankayta wiñachinka nishpa willan.
Chaymanta Agroturismo kamachiyta wallpana riman, chaytaka Consejo de Administración Legislativa tantari ñami arinishka kan.
Payka tarpuriksina llankayta wiñachina yuyayta charin, chaywan pakllapi kawsak runakunaman hatun yanapay kanka, llankaykunata, kullkitapash sinchiyachinka, riksinkapa chayakkuna imashinami ayllullaktapi kawsayta riksinka, yachanka, chay llaktapi kawsak runakunawan, wiwakunawan, sachakunawan kimirishpa yachanka, siksinka.
Kay mushuk kamachiywan sumak ruray llankayta pushanka, imashina llankanata yachachinka, kay llankaykunataka Agricultura kamachik, Turismo kamachik achkata yanapanka; shinami kay llankayka ashtawan mirarishpa katichun kullkiwan yanapanka; shutita charik kamukunata, ñanyachishpa yanapak, ñanta rikuchik yanapak kamuta rikuchinka, kamachiywan yanapak pankunata rikuchinka.
Kay kamaywasi tawka llankaykunata ruranka, payka llaktapi llankak kamachikkunata yanapak kamachikmi kan, shinami agroturismo llankayta alli kachun rikunka; shinallatak kipunka, imashina kunanpi llankakunata kipunka, shuk kiputa churanka; illushka pankata kunka; sapan wata willaykunata chayachinka.
Iamashinami kamachiy killkak rimashka, chay agroturismo llankayka mushuk kunan kallarinami kan, uchilla, paktalla, uchilla llankaywasikunata charikkuna yanapashka kanka, paykunaka tarpuypi, wiwakuna wiñachinapi llankaykunata wiñachinka. Shinami pakllapi kawsak runakuman, ayllukunaman llankaykunata wiñachinka.
LILA/pv/jc-kichwa
