Kay Red de Maestros tantariwan, Educación Intercultural Bilingüe kamachikwan llankarka.
Kay Ministerio kamachikwan ishkaykutin Orgánica de Educación Intercultural (Loei) kamachiyta allichinkapa rimanakuyta charirka.
Kunamanta kay llankayta Augusto Espinosa kamachiy killkak pusharka, kipaman alli kamachiy killkarinka.
Chay kashpa yuyayta yaykuchirka
Shinami ñaka rimashka kamachiypak nikikunata katishpa yuyaykunata churarka, ashtawankarin Red de Maestros yachachikkunami kay llankayta achkata yanaparka, shinami Amapola Naranjo kamachiy killkak, mushuk yuyaykunata churarka.
Kay yachayta pushankapa Producto Interno Bruto (PIB) punkarata katushka kullkimanta 6 % patsakri yachayman yaykuchun mañarka, shinami Mamakamachiy rikuchin, yallik watapi yachay kullkita mana hapishkata kunan watapak llankaypi churachun rimarka, chay kullkiwan mushuk wasikunata, shuktak nipakunata rantina kanka.
Yachachikkuna yachachinami maymutsurik kan, tukuy yachachikman shinallatak mashna kullkita chayachinami alli kanka, chayka paktakaymi kanka. Amawta taripay ukupi kapchi llankayta kamachiywan pushanami mutsurin, Mamallakta yachana wasikunaman kay yachayta rakinami may alli kan, shinami yapa rimarka.
Kay Nelly Mino, Red de Maestros tantaripak kipa pushak, kay Magisterio yachachikkunapak hatun munayka tukuylla yachachikman shuklla mashkay kullkita chayachinami shuk hatun yanapay kanka, chay Fuerzas Armadas, Policía Nacional kamachikkunawan pakta kullkita hapina alli kanka.
MG/pv/jc-kichwa
