Kay agroturismo kamachiyta CAL rikuchun shuyakun, shinami Pastaza markamanta Henry Moreno kamachiy killkak rimarka, payka 28 puncha, killa, 2017 watapi churarka.
Kay willay panka 1717 yupaywan panta, 2 puncha, kulla killa, 2018 watapi CAL arishka nishpa panta willarka, kayka illushka panka karka.
Kay Moreno kamachiy killkak llaktakuna wiñarichun shuk ñan kanka, kay riksina llankaymi runakuna chaypi llankachun yanapanka.
Shinami pakllapi runa kawsayta allichinka, tarpu riksina llankayta achkata mirachinka. Kaymi unipak llankayta charinka, riksinkapa chaykuna imashina sapsi kawsay kashkata rikunka, chay llaktapi kawsak runakunawan kimirinka, tarpuyman, wiwa kamayman, sachaman, pakchaman riksinkapa yaykurinka.
Kay llankayta pushakkunaman sumakruray llankaywan yanapachun, allita yachachichun mañan, chay Agricultura kamachik, Turismo kamachik allita yachachishpa yanapanka; kay llankaykunata mirachinkapa kullkiyuk wasimanta kullkita mañachun yanapanka; riksina shutikunaman yaykurichun shutikunata charik pankata, makikamuta, kamachiy pankakunata, shuktak hillaykunatapash charinka.
Yana, hatun kamachikkuna kay llankay hawa riksichishpa yanapanata charin, shinallatak kay Consejo Nacional de Agroturismon tantari wiñarichun llaktakuman willanata charin, kipaman agroturismo llankay ashtawan katichun kikinllatak karun kamachikkunata yachachinata charin; shuklla kipupi imalla kunan punchakuna tiyakkunata killkanka; illu pankata charichinka; sapan wata imalla riksinakuna tiyashkata riksichinka.
Kamachiy killkak rimashkata katishpa, kay agroturismo llankayka chayrak mushukmi kan, kipaman kay llankayka Mamallaktaman achka kullkita yaykuchinka, shina pakllapi tiyak uchilla, paktalla llankaywasita charikkuna llankayta wiñachinka, shinami chay llaktakunapak pakllapi kawsak runakuna, ayllukuna llankayta charinka.
LILA/pv/jc-kichwa
