Mamallaktapak Hatun kamachikkunapak, chapak kamachikkunapak, ista kamachikkunapak, runakunapak, ayllukunapak, kayashkunapak ñawpakpi, Mamallakta Tantankuypak ukupi Ecuador Mamallakta Kipapushak kankapa arinirka.
Tayta, José Serrano Salgado, María Alejandra Vicuña kamachikta arinichirka, ñapash llankaypi tiyachirka.
Kay llankayta runakunapak, kamacvhikkunapak kamachiy killkakkuna 70 apuchiwan arinirka.
Mushuk Kipapushak Guayaquil llaktamanta kan, 39 watata charin, Ecuador llaktapak, ishkayniki Kipapushak kan. Chay Rosalía Arteaga ashalla mitata shukniki Mamallakta Kipapushak karka.
Pay rimashka, Lenín Moreno, Mamallakta Pushakta yupaycharka, “Ecuador llaktapi kawsak warmikunapi shunkuta churashkamanta, pay kimsa warmipak shutikunata churashkamanta yupaycharka”. “Warmikuna llaktay llankaypi kashkamanta mushuk llaktata rikunkapa sinchita llankashkanchik, yallik watakunamanta llaktakuna muskushkata paktachinkapa kanchik ”, nirka .
Shinami Rosana Alvarado, María Fernanda Espinosa nikirishkamanta mashikuna kanchik nishpa yupaycharka, llaktapak kawsaymanta ñakarishpa llankak warmikuna kakpi yupaycharka. Chaymanta “alli yuyaywan, achiklla shunkuwan, Ecuador llaktapi kawsak runakunapak munayta yanapashka”.
Mushuk Mamallakta Kipapushak llakta mañashkata, kachashkata paktachishun nirka, mayhan shuway munayta pampana, llakta ushayta llakta ukuman churana, runakuna chaypi kachun sinchiyachina nirka. Chaymanta hatun kamachiy mutsurikpika llaktakunata tapunka, shinami illushka llakta ushay sinchiyanka rimarka.
LILA/pv/jc-kichwa
