¨Warmikunaka tukuy punchami llakichishka kanchik. Sumaychayka chikan chikan yuyayta charishpapash mana killpanchu, pakirinapash mana kanchu” nirka.
Shinami Marcela Aguiñaga kamachiy killkak rimarka, llaktayta rurak warmikunaka chikan chikan willaywan, ashtawanakarin willanakuy llikawan katishpa llakichishkakunami kan.
Kamachiy killkak Verónica Arias warmimanta rimashpami shina nirka, pay shuyukuyurikwan rimashpami ukllarirka, shuk willak yallik hunkakunapi llakichishkamanta shina ukllarirka.
Shinallatak, Roberta Zambrano kamachiy killkak, kay Integral para Prevenir y Erradicar la Violencia contra las Mujeres kamachiyta allishkata rikushpa, chay Esmeraldas llaktamanta willak, Zambrano rimashka shinaka, mana manchayta charini nirka, mana yachak warmimi kan nishka. “Sumaychayta charinchik, allika wasimantami kallarina kan. Shukpak llankayta mana urmachinachu kan”, rimarka.
Kay Soledad Buendía kamachiy killkak, shuk kamachiy runakunata mana chikan chikanchu kan nirka, tukuykuna tantarishpa llankanami kan.
“ Runakunapak llakimi kan, kamachiylla mana mutsurinchu, tukuy runakuna llankanami kan. Warmikunapak llakika haminapi, urmachinapi, takaypi, wañuypimi tukurin. Ñami 153 warmikuna wañushka kan. Kay takayta tukuchinami kanchik”, runakunapak kawsaypi, yuyaypi llakichina yuyay tiyakta anchuchina kan.
Kay CAL arinishka
Mamallakta Pushak kay kamachiyta allichishkata, Consejo de Administración Legislativa (CAL) tukuykunami shuklla yuyaywan llakirirka, kari kashpa warmi kakpi manchachishkata, hamishkata takarka, kay llakita Marcela Aguiñaga, Verónica Arias, Roberta Zambrano kamachiy killkakkuna chaskirka.
MC/pv/jc-kichwa
