Kay Paola Vintimilla, Fernando Flores, René Yandún, Héctor Muñoz, Fabricio Villamar kamachiy killkakkuna istawasipi imashina Julian Assange Ecuador runa tukushkata willachun mañan.
Chayta yachakchayashpa, katipika María Fernanda Espinosa willachun mañarka, Director Nacional del Registro Civil kamachik willachun mañarka.
Kay 16 puncha, 2012 watapi Ecuador llaktamanta chay watamantami, Ricardo Patiño ista kamachiy kashpa katimurka.
Chayka ciberactivista, Mamallaktami 16 punchata, 2012 watapi, kay Ecuador llaktaman Julian Assange ista runa yaykurichun arinishka kanka, payka ñami sueca llaktawan llakita charirka. Paypak llakika Estados Unidos llanktamanta rimashpa, chay llakika Wikileaks, 2010 watapi ñami llakita charirka.
Shinami llakika sakirishka karka, yallik punchamantami Julian Assange Ecuador llaktamanta kikin pankata charik ña rikurirka, chaypak achka punchakunata pankata alichishpa purimurka. Kay Registro Civil kamaywasipika, Pichincha markamanta runami rikurin, Quito kitipak, Chaupicruz kuskamantami kan.
Llaktay tantaripak tawka kamachiy killkakkuna, Mamallakta Tantanakuypak Relaciones Internacionales minkashka kunan puncha, ista wasiman chayarkakuna, paykunaka imashinatak Assange Ecuador llaktamanta kikin pankata charinkapa purik karka.
“Kay llakika, Ecuador llaktapak ancha llakimi rikurin”, shinami Paola Vintimilla kamachiy killkak rimarka, chay Partido Social Cristiano tantarimanta ista kamachik, María Fernanda Espinosa anchurichun mañarka.
Kamachiy killkakkunamanta mana shuklla yuyay tiyan, imashinatak Assange Ecuador llaktamanta kikin pankata charishka, pay Ecuador llaktapak shutipi llankak, mana achiklla rikurin nirka. Chay Ministra de Relaciones Exteriores kamachikwan tawka rimanakuykunata charirka. Chaymanta kay Mamallakta Tantanakuyman imashina kashkata willachun kayarka.
Imashina katimushka
Kamachiy killkakkuna katimushkata rikukpika, kuski killa, 2017 watapi kallarirka, sasi killkapi chaypak mañaykunata churarka, kapak killapika ñami Assange Ecuador llaktapak kikin pankata charichirka. Kamachiy killkakta pakin, ista kamachikkunapash mana allichu nishpa “piñarirkakuna”.
MC/pv/jc-kcihwa
