Kay Comisión de Derechos Colectivos Pushak, Jorge Corozo kamachiy killkak, chay Adulto Mayor kamachiypak willay kallari atinakuyta charichun pawkar killakama ñami kanka nirka.
Shamuk punchakunami Técnica del Plan Toda una Vida tantaripi killkak, Irina Cabezas shamunka nirka.
Chaymantami shinallatak Jubilados Pensionistas de Adultos Mayores de Pichincha, Édison Lima pushakpash chayamunka nirka, paykuna kamachiy alli killkarichun yanapanka.
Kay yuyak runakakuna sumak kawsayta charina kan nishpa rikuchirka, paypak hayñikunata sumaychana nirka. Chaymanta, kamachiypika ayllu rikuchun killkashka kan, paykuna kamankapa sapi kan.
Kay kamachiy tantarishka runakunawan, kamaywasikunwan, yuyak runaknawan killkashkami kan, tukuylla kamaywasikuanwan, shukpaklla kamaywasikunawan killkashkami kan. Kay llankayman yaykurishka runakumanta mushuk yuyaykunata pallashkami kan, ashtawan yuyaykunata pallashpa katinchik nirka, nikita, wankuriyta katishpa rikuna kanka nirka.
Kay mushuk kamachiypak yuyayka yuyak runakunapak warmikipak hayñita nikita, kamana, purichinami kan, kallaripi paykunatarak chaskishpami kallarina kan, chay kamachiy tawapika chay pishi runakuna kallaripi chaskina, shina runapak kamachiykunata ukllana, kawsaypurata sinchiyachinka.
Kay kamachiyka tukuylla llaktayta paktachin, Mamallaktamanta llankayñanta churan, runakuna ayllupash, imashina payayakukta rikunka; “Mamallakta chaypi kachun, yanapachun shuyan, mutsurishka mitachikunawan sumakta, allita yanapachun mañan”, shinami Corozo kamachik rimarka.
Kay Ecuador llaktapika 662 waranka ruku runakuna kawsan, chay Mamallaktapi kawsak runakunamanta 10% patsakri runakunami nisha nin. Kay runakunatami kay mushuk kamachiyka yanapanata charin nirka.
JLVN/pv/jc-kichwa
