Shamuk chilla, 17 puncha, kulla killa, 10h00 sayllata, Comisión de Justicia tanatriapk 017 yupay rimanakuy katinka.
Chaypmi Código Orgánico Integral Penal (COIP) kamachiyta allichinka, kayka Amapola Naranjo, Gabriela Cerda, Fabricio Villamar, Ana Galarza kamachiy killkakkunapak mutsuymi kan.
Wawakunata ukllay
Kamachiy killkak, Amapola Naranjo, warmi kari wawakunata, imillakunata yanapasha nishpa 48 nipak, 10 yupayta warmi kari wawakunata, imillakuna tukuyta llikashpa tawka kutin ukunta llakichishkata rikunka, kay llakichik runakunaka supaychashpa wanachishka kanka, kimsakutin wanachishka kachun nirka.
Shinallatak 48 nipak 1 yupayta allichina, (kamachiyta pakishpa ancha llakita rurakta) wanachinka, kayta: kamachiyta pakikuk pacha taririkpi, kay huchakuna tukuylla kamaywasipi, shukpalla kamaywasipi allikawsaypi, pukllaypi, kawsay tarpuypi, yachachinapi, shuktak llankaykunata yuyay llakita charikta rikunka, tukuylla ukunta llakichishkata rikunka.
Kullkita yanka tukuchi
Kamachiy killkak, Ana Galarza, tukuri 581 nikita anchuchina kan riman, kay nikita anchuchikpi kipaman Fiscalía General del Estado, Kullkita yanka tukuchiashka nishpa, kama kamachiywan charik tukushpa nishpa anchata wanachinka, kay hapirishpa Contraloría kamachik hunchachinka, kipaman kayta katinka.
Kamriwan llankayta charina
Kamachiy killkak Gabriela Cerda, kamachiypak 280 nikita allichina riman, chayka kamariwan llankayta charina llakita takanka, chaypak: shina llakikuna rikukpi, shuktak sami hucha rikurikpi, chay kamari kulliwan shuwayta yanapakta ancha wanachina kachun, kullkita kushpa pankakunata purichikta, panka pirina sakichikta, kamachikpak awllita pantachik kimsa watakama sinchita wanachinka.
MG/pv/jc-kichwa
