Kay Derechos de los Trabajadores minkashka pakllapi kawsak runakuna yanapay kullkita wichiyachinkapa shamuk hunka tantarinka.
Chay kallari atinakuyta charinkapa killkakta allichinakapa rimankakuna, shinami Seguridad Social kamachiy alli killkarinka, kay kamachiytaka, Lenín Moreno, Mamallakta Pushak kachashkami kan, shinami Seguro Social Campesino (SSC) tantari, 65,14 kullkimanta, 100 dólar kullkikama wichiyanka.
Tawka runakunapak, tantarikunapak, kamachikkunapak yuyayta chaskishpa, shinallatak Instituto Ecuatoriano de Seguridad Social (IESS) kamaywasi rurashka sumakruray willaywan, kay willayta llikachinaman kallarirka, chaywan kallari atinakuypak kallari willayta killkana nirka, kaytami shamuk wanra puncha rikunka.
Shinami tisiku runaman, yuyak runaman ama 100 dólar kullkimanta urayman ama kachun nirka, kay mashnayta sapan wata rikuchun nirka, llankay tiksikullkiwan pakta kachun nirka, kaytami Lenín Moreno Mamallakta Pusha kachashka kanka.
Tukuy Mamallaktapimi Seguro Social Campesino tanatriaoak yuyayta, shinallatak Instituto Ecuatoriano de Seguridad Social yuyayta, rimayta hapishka kan, kaykunawan mushuk kamahchiyta killkana yuyaymi kan.
Imashinami Consejo Directivo del IESS, Jaime Garzón Rivas, pushak SSC tantariman yaykurishka rimashka, shinaka sumak ruraywan yanapshkami ka, alli kimirinakuyta, kutsikyashtaka charirka. “Mushuk churay sumakruraymi kan, kullkika tiyanmi”, nishpa willarka.
Kawsaykamay wasimanta Rómulo Quimis, Confederación Nacional del Seguro Social Campesino (Confeunassce) tantarita pushak kaypi karka; shinallatak Irma Domínguez mashi, Seguro Social Campesino de Manabí llaktama pushak; Vitervo Yánez, Frente de Defensa del Seguro Campesino tantarimanta; kay Pedro Panchana, Coordinadora Nacional Campesina (CNC) tantarita pushak.
RSA/pv/jc-kichwa
