Kunan tutamanta, Mamallakta Tantanakuypak wasipak José Mejía Lequerica ukupi Chapak awkakunaman, kamak runakunaman imashina AH1N1 unkuyta harkankapa yacharka.
Paykuna kay Mamallakta Tantanakuypak ukupi, punkupi llankakushpa, kayman chayamuk runakunawan napashpa, chayarishpa yallita, hawalla unkuyta hapinka.
Kay yachaytaka mayhantak ña unkushka kakta rikushpami kallarin.
Shinallatak imashinatak AH1N1 kashkata riksishpa kallarin (uhushka thuka microgotas shutuywan rikisnka), shinallatak maypimi unkuypi kawirishka (punkuta charik, maki hapina, chakata, shuktak nipakunapash), imachinami purik uhu kan shinallatakmi hapinka.
Kay Patricio Barzallo hampik shinami kan nishpa willarka, chayka: 38 pata kunuk kan, 40 pataman chayan nirka, 3 punchamanta, 4 punchakama hapinka nirka; sapan pacha katikuy chakishka sinchi uhu kanka; sinchita uma nanaywan kallarinka; ñutu aycha manaywan, tukuy unkuy mana alli kan, kunka nanay, rawray kanka, sinka wichkari, mana mikunayachi, ukni, kicha paskari rikurinka. Kay unkurikuna runapak mana achiklla kan, yuyay musparipash tiyanka.
Harkay
Yachachik kayta rikuchirka: shitanalla pintuwan shimita, sinkata killpana; kaykuna mana tiyakpika rikra mukuwan killpana; pichashka pintukunata tachuman shitana, makinata achka yakuwan, zulawan mayllana, uhushka kipa hampiyakuwan mayllana; makita manna mayllashpaka, mana ñawiman, shimiman, sinkaman chayarina; unkushkata rikushpa mana kuchuyana.
EG/pv/jc-kichwa
