“Kay tukuy llankayta alli rikuna, imashina kullkita tukuchishkata rikuna illashkamanta shuwaykuna rikurimushka”.
Shinami Henry Cucalón, kamachiy killkak riksichirka, paymi Para el Fortalecimiento del Control en los Procesos de Contratación Pública kamachiyta riksichirka, chay kamchiyka chay Contraloría y del Sistema Nacional de Contratación Pública kamachiyta allichinata pushakun, kay kamachiytaka Régimen Económico tantarimi allichikun.
Kay kamachiyka Contraloría kamaywasipak llankayta, llankashkamanta willanatami sinchiyachin, Mamallaktawan manarak llankay yuyarita killkashpa ima mutsuykuna paktachinata rikuchinka, ashtawanakarin Mamallaktapak kullkita shuwashkamantami kamanata rikuna hawa riman. Kay Sistema de Contratación Pública chapayka mashna kullki kashkata, ima llankayta rurana kashka hawapash rikunka.
Kay mushuk kamachiyka, mañay chayashka kipa 15 punchapimi ña willayka kanka, chay pankawanmi imamanta llankashkata rikuchinka. Kay rikuchishka willay illashkamantami chay llankay yuyari mana shuti aspishka sakirinka.
Kay kamachiypak ukun kilkapi llankashkamanta willay mana rikurinka nirka, mayhan kullkiwanpash ista llaktawan llankay yuyariwan llankashkamanta willay mana mutsurinkachun nishpa riksichin, kaytaka alita rikunami kanchik.
Kamachiy killak katikuymanta rimashka, chay Sistema de Contratación Pública kamachiypak 57 nikita anchuchina nirka. Shinallatak kay sinchi llakiku tiyakpi, imashinami: antawa sinkuy, allpa tuñiri, nuyuy, usyay, llakta ukupi makanakuy, kanchamanta llakta llakichikuna tiyakpi, istallaktakuna makanakuy, akapana llakikuna tiyaktarak nikina kanka riman.
Kay llakikuna rikurikpika Ministro de Estado kamachik, shuk hatun kamachikkuna kay llakikunata riksichina kan, chaywan imamanta llankay yuyarita killkachun riman. Kay willaykunata Compras Públicas kamaywasipak llikapunkuwan riksichinka, kipaman tukuylla llankayta riksinkapa Auditoría Interna rikuyta pushanka.
Kay mushuk kamachiyka Contratación Pública kamaywasipak 102 nikita mushukyachina, kay nikita mañayta, kamay tiyakkunatami rikuchin. Chaymanta hatun kamachikkuna, Mamallaktapak awllkikkuna, akllak kamachikkuna, nikik kamachik, llakichishka kakta riksishpaka llaktakunapi llankak Kikinllatak Karupi llankak kamachikkuna llankay yuyarita killkashpa llankankakuna. Kipaman llankayta kikinyachinka, mañayta churanka, kamay tiyakta churanka.
JLVN/pv/jc-kichwa
