Kay “Mamallaktaka achkata rimanakuna llankaykunatami charin, tukuy kamachiy killkakkuna yuyarishpa arinina kamachiymi kan.
Imashinami kay kamachiy, shina”, shinami kay rimanakuy tukurikukpi Pabel Muñoz kamachiy killkak rimarka, Mamallakta pushak kay kamchiyta allichishkata rikushpami payka shina rimarka.
Kay kamachiyka Para Prevenir y Erradicar la Violencia contra las Mujeres Hatun kamachiychimi kan. Chaymantami kay kamachiy imshina kakta rikushpaka kimsa iñu mana shuk yuyaypi sakirina rikurin nirka: hatun kullki, kamachiypak hatun yuyay, runakunapi yuyay.
Kay kullkimanta rimashpaka, Mamallakta Tantaripi hunta rimanakuy, kullkita mana charishpaka mana imapash kankachu. Ashtawanpash, Sebastián Palacios, Pabel Muñoz kamachiy killkakkuna, mana shuk patsakrita chayrak churanchu, imakaypash kullkita chayachinami kan nirka, ñami asha kullki ñawpachishka tiyan nishpa rimarka.
Kamachiy killkak Mae Montaño, shuk akllashka tantari wiñarichun mañarka, paykuna wawakuna tayta mama illak sarishkata shuk hatun willayta hatarichichun nirka, warmi kashkamanta wañuchishka hawa shuk ruraykunata churana kchun mañan.
Kay llankayta rurankapa shuk ñanta mashkana nirka, chaywan ruraykunata, llaktaykunata wiñachina nirka, shina kay wawakunata chaskichun, kamachun, shinami mutsurik rikurin nirka. Shinami shuk willawan rikuchirka, kay llakita chaskinkapa mana allichirishka kanchu.
Hayñikunta kamana
Kamachiy killkak Sebastián Palacios, pay rimakushpa kayta rikuchirka, imashinami 2017 watapi, warmi kashkamanta 153 wañuchishka hawa rimarka, nishpallaka, sapan 57 sayllapi, warmikunaka waktashpa wañuchishka karka, chayka 2018 wata kallari pichka punchapimi karka, kay llakita kamachiywanlla harkana mana rikurinchu “mancharinami rikurin”.
MC/pv/jc-kichwa
