Kay Cuerpo Diplomático acreditado en Ecuador 44 runakunawan rimanakuy, José Serrano Salgado, Mamallakta Tantanakuyta pushakwan alli karka.
Chaypi cooperación tantarita sinchiyachinkapa sinchita llankankapa arinirka, chaywan hatun llakikunamanta llukshinka.
Shinallatak aymuray killa, 2017 watamanta kunankama Mamallakta Tantanakuy achkata ushashkata riksichirka, chay pachamanta kay mita kallarirka nishpa riksichirka.
Paykunaka Desarrollo Sostenible llankayta, 2030 watapak paktanata ashtawankarin rimarkakuna. “Chayta yuyashpa, kullki mirarikukta, llankaykuna mirarishpa runakunata yanapakta tupunchik, Mamallakta Tantanakuyka kay llankayta pushan”.
Chaymanta pawkar killamanta Unidad de Análisis Econométrico llankayta kallarichun rimarka, chaytami kamachiy killkakkuna tukuy kamachiy killkakkuna ñawpakukta rikunka. Chaywan kamachiy killkakkuna, llankayta katinakunata rikuna yuyaymi kan.
Shuktakmanta rimashpaka, Ecuador llakta, shuktak ista Mamallaktakunawan rimanakuyta charishpaka, 2008 watapak Mamakamachiypak nikikunapi hapirishpa huchakuna tiyashkata wanayta churarka, tayta Serrano, shuktak Mamallaktawan llankana yuyarita charishkamanta, kutintak imashina llankanata allichishpa yuyarina kanka nirka. Shina, mana kamachiywan rimashkatalla rikunka, Mamakamachiy imatalla rimashkawan yuyarikunata allichinka.
EG/pv/jc-kichwa
