Kay Código de Salud kamachiyta killkakushpa, kay kamachiyta allichichun minkashka, Jorge Yunda, kamachiy Foro “Juntos por la Salud de los Ecuatorianos” yachayta pushanka.
Kay yachaymanka tukuy llaktayukkunami kayashka kan, shamuk 7 puncha, panchi killapi pusharinka.
Shinami 10h00 sayllata kallarinka, shinami Mamallakta Tantanakuypak wasipak Salón Expresidentes ukupi pusharinka.
Kay yachaymanka hatun yachahakkunami shamunka, paykunami allita yanchachinka.
Kipaman rimanakuna patakukunata minkashkakuna churanka, chayp allikawsay hayñikuna hawa, allikawsay llika hawa, hampikunata charinkapa imashina charina, runakuna hampiwan kushilla kanka, shinallatak allimikuymanta rimanakunka.
Kamachiy killkakpak yuyayka Código Integral kamachiyta arininami kan, kay kamachiy allikawsay hayñikunata paktachinka. Kayta rikushpa, kayakushka yachayka imatalla runakuna, kamachikkuna yuyakushkata riksichinka, kay mushuk yuyaykunawan Comisión de Salud tantari kamachiy ishkayniki atinakuyta charichun willayta allichinka.
Kay yachayaman chayamunkapa forosalud2018@gmail.com zirma llikaman shutita chayachina kan
JC-kichwa
