Kay Lucha contra la Corrupción kamachiyta kallari atinakuypi tawka rikushkata allishpa, llikashpa katin.
Kay llankayta Comisión de Justicia tantari ashtawan allichishpa, llaktakunawan rimanakushpa pushakun.
Kay Soledad Buendía kamachiy killkak Mamallakta Pushakpak, Kipapushakpak, kamachiy killkakpak, hatun kamachikkunapak, Mamallakta Awllikkunata Pushakkuna, kitipushakkuna, kiti kunakkuna, markapushak, markakunakkuna ña mana tukuylla awllita hapinata ushanka.
Kay mushuk kamachiyka Mamallaktawan llankay yuyarita killkachun harkanka, tukuylla tantariman yaykurishkapash mana kanachu harkanka, chay Función Judicial, la Función de Transparencia y Control Social, chapak kamaywasikunapi llankayta charinkapa mishanakuyman haykurinatapash mana ushankachu.
Kamachiy killkak Mae Montaño tukuypakta kikinyachinata, yallipi katunkapa yuyarinakuyta, shuwanakuyta rurakpi sinchita wanachina, akllashka wanachita churana, kay llakikunata rurakwan kimirishpa kawsakta, sawarishkata, mashita wanachina kachun nirka.
Shinallatak Mónica Alemán kamachiy killkak, Código Orgánico Integral Penal kamachiy, 581 nikipak tukuri killkamilkata anchuchichun mañarka, tukuypakta kikinyachina rimakta, mana kamachiywan kullkiyanata anchuchina, chaykunata paktachinkapa Fiscalía General kamachik yanapshkawan Contraloría General del Estado kamachik huchata aparichinka.
MG/pv/jc-kichwa
