Kamachiy killkak María José Carrión, Comisión de Fiscalización tantarita pushak, chay Tránsito y de Salud de la Policía Nacional kamaywasiman shuk yuyarita chayachirka.
Chay yuyariwan Mamallaktapak antawa ñankunapi takarikuna, chukririkuna, wañuykuna ama tiyachun chapakman, antawata purichikman yachachinka, shina chay llakikuna urayanka.
Shinallatak, Quito kiti llaktamanta antawata achka purichikkunata, antawapi llankakkunata yachaypi kashkamanta illupankawan riksirka.
Shinallatak kay yachaytaka Gaby Condo warmi, chay tisiku runakunata imashina antawata pushakkuna rikushkata riksichirka.
Shinllata paypak ishkay warmi wamrata antawapi punchanta mana alli pushashkata rikuchirka, chay wamrakunaka síndrome de down unkuytami charin nirka, wakin antawakuna tisiku wamrakuna hampina wasiman mana pushan nishapa willarka.
Paypak kamaywasi, kunankama, kay kapak kitimanta pichka antawa purichikkunata, 14 kutin yachachishkata riksichirka, shinami kipamanka Ecuador llaktapi tiyak antawa purina ñankunapi chukriri, takari, sinkuy, wañuy aman tiyachun, yalli kamay tiyachun, runakunaman alli kawsay tiyachun llakikunata harkanka.
Kay antawa kamachik, Lenín Bolaños, antawakunata hatun rikuk, imashinami ñukanchikpak Ecuador llaktapak antawa purina ñankunapi chukriri, takari, sinkuy, wañuy tiyan, shinallatakmi kaysami llakikunaka allpapachapi achka tiyan, sinchi llakikunaka antawata mana purichinata yachashpami shina llakichin nirka.
Runapura alli kawsanata yachashpami ayllullaktapi kasilla kawsayta charinka, hamutarinka, amuklla kanata yachanka, ayllullaktapi nayaparinakuy tiyanka, Ecuador llaktapi kawsak runakuna purinakuypi yanaparinakuy tiyanka.
MG/pv/jc-kichwa
