Kay Comisión de Derechos Colectivos pushak, Jorge Corozo kamachioy killkak, chay Directora de la Unesco tantari pushakta, Bolivia llakta, Colombia llakta, Ecuador llakta, Venezuela llakta shutipi rimak, Saadia Sánchez Vega Hatun kamachikta kayarka.
Paymi Adulto Mayor kamahiy hawa rimanka. Shinami 5 puncha, panchi killa, 15:00 sayllamanta, Mamallakta Tantanakuypak wasipi rimanka.
Chay pachamantallatak kamachiy killkakkuna, kay mushuk yuyaykunata hapishpa kay mushuk hawa atinakuy kallarinka.
Shinallatak imashina Mamallakta, runakuna, ayllukuna llankanta rimanka. Kipaka kay kamachiypak 22 nikipi imashina yuyak runakunata yanapana hawa rimanka, chayta aitinakunka.
Shinallatak Corozo kamachiy killkak chay Anciano kamachiy 1991 watamanta kunankama llankashpa shamun, chaytapash rimanka, chay kamachiy tiyakpipash yuyak karita, warmita mana allita yanaparka, mana ukllarkachu. Ña pachakuna yallikpi shuktak mushuk kamachiy tiyana allimi kan, Mamakamachiy rimashkata, ista kamachiy runa hayñi hawa rimakta yanapak kamachiy kachun alli kanka.
Kay mushuk kamachiypak yuyayka, llankaykunata nikina, kamana yuyaytami charin, chay yuyak runakunapak hayñikunata willana, paktachina yuyaytami charin. Shinami yuyakkunata kallaripi chaskishpa, kari warmi kakta rikushpa, kawsaypura yuyaykunata mirachishpa llankanka.
Kay kamachiy killkak, Mamallaktami yuyak runakunata pay alli kawsayta charichun achkata yanapanata, kamanata makipi charin; runakunaka mana tsiknishpa allita yanapana kan; aylluka: kuyana, imashina kakta riksina, mana unkuchun, llakirichun sakina, pukllachina, pay ushashkata llankachun sakina, karana, sumaychana, alli yuyayta kuna, shuktak mutsurishkakunatapash yanapanka.
Mamallaktapi imashina yuyak runakunata yanapana llankayñanta rurana, yachayta kuna pushanata charin, yuyak runakuna mana paktapakta kawsayta charikpi, paykunapak hayñita mana paktachikukpi allichishpa rikunata charin. Yuyak runakunapash pukllana, samarina, tushuna, kushiyarina hayñitami charin.
JLVN/pv/jc-kichwa
