Kay César Carrión kamachiy killkak, chay Corte Constitucional kamaywasipi Código Orgánico Integral Penal, COIP kamachiypak 581 niki, 3 yupaypak, tukuri killkamilkata allichina nirka.
Kay nikika imashina shuwaykunata taripankapa, wanachinka yuyaymi karka.
Shinallatak 285 niki, ishkay, kimsa killkamilkakuna, kamachik kashpa yanaparinata pakalla apamuna hawa riman.
Kallaripika, kayta katinkapa, kamachy killkak, mañashka mutsuykuna imashina Contraloría Hatun Kamachiypak 71 nikipi rimashkawan mana pakta kan nirka.
Sinami kanchish wata yallishka kipa taripayta mana ushanachu nirka, kay pachata yallishpaka ña payayan nirka. Shinami kullkishuway, kamachiyta pakishpa charik tukuy llaki chinkarinka, shinami Mamakamachiypak 233 nikita pakishka kan, Tukuylla Kamayta llakichik.
Shinallatak, COIP kamachiypak 285 nikipak, 2° killkamilkapi, 3° killkamilkapi hatun kamachik llankashpa, payman Mamallaktapak yanapayta hapin, ñawpa Código kamachiypak, 257 nikipi, 4 yupaypi kullki shuwayta riman, chayka mana sakinallata rikuchirka.
Shinapash COIP kamachiypi, kay layapash kamachik kashpa yanapayta hapinami tukurka, tukurinkapa pachata charirka. “ Kaypishak Mamakamachiyta umachin, shuwayman chayachin”, shinami kamachiy killkak rimarka.
RSA/pv/jc-kichwa
