Sarun chaska puncha 11h40 sayllata karu uyarikmanta kayashpa Mamallakta Tantanakuypak wasipi illapa tukyanka nishpa yanka manchachirka.
Chay Margarita Pereira, Escolta Legislativa awka hatun kamachik yunka rimayta charik, shuk kari kayashka nirka.
Awllikkuna Mamallakta Tantanakuypak wasimanta manarak illapa tukyakpi kanchaman llukshinkapa 18 chinikuta charirka.
Kay Equipos del Grupo de Intervención y Rescate kamachik, Criminalística kamachik, Grupo Antiexplosivos kamachik, Cuerpo de Bomberos kamachik Mamallaktan Tantanakuypak wasiman ñapash chayamurka. Mamallakta Tantanakuypak wasi muyuntin ñankunata wichkarka, wasipak ukukunataka illapa tukyakta yachakkuna tukuyta picharkal.
Shinami “Utkashpa mashkarkanchik. Shina llakikuna puncha kakpika, illapa tukyanka nishpa yanka manchachikunami tiyan nirka. Chaymanta Mamallakta Tantanakuypak wasi ukupi awllikkunata kanchaman surkunchik nirka”, shinanmi Margarita Pereira awka kamachik rimarka.
Taripaykuna
Imashinami Pereira rimarka, kunan pachapillatak mayhantak karu uyarikmanta kayashkata tarinkapa taripayta rurakun. “Shina, upallalla mana sakirinachu kanchik, kay llakitaka kamachiywan katinami kan, paykunami mayhan karikuna, warmikuna huchata aparikta churanka”, willarka.
Kay Mamallakta Tantanakuypak wasita imashina mashkanata mushukyachinaman ashtawanpash llankashun nirka, awllikkuna utka kanchaman llukshishpa achkata yanaparka, chayta rikushpami ashalla pachapi kanchaman llukshinka, yuyaychin nirka.
MC/pv/jc-kichwa
