Kay Circunscripción Territorial Amazónica kamachiyta, Biodiversidad minkashka ishkaykutin rimanakunkapa, chay Casa de la Cultura Núcleo de la Amazonía kamaywasikuna rimashkata uyarkakuna.
Shinami paykuna 64 nikipi, chay Fondo Común kullimanta 6 % patsakri kullkita pachamaman, kawsaytarpuyman kullkita churachun mañarka, chaywan allita yanapankapa nirka.
Kay mayñayta rikushpa chaykawsaytarpuyta llankayta pushankapa llankayñanta rurana nirka, llankaytaka Casa de la Cultura kamaywasikunawan shuk yuyarita killkashpa Antisuyupi llankayta kallarinka.
Shinallatakmi Cultura Ecuatoriana, Benjamín Carrión kamaywasiwan shuk yuyayrita killkanka, chayta pushak kamachikkunami Comisión de Planificación de la Circunscripción Territorial ukuman yaykurinka.
Shinami chay Luis Lluglla, Antisuypak markakunamanta llankak rimarka, kay sinchi llankaykuna, yuyarikunata rikushpaka 12 puncha, panchi killapak kamachiyta arinina mana paktanchun nirka, kay mushuk Antisuyupak sapan markakunapak kawsayta hapichun nirka.
Shinami Zamora Chinchipe, Sucumbíos, Orellana, Morona Santiago markakuna mana Hatun Yachanawasipak kuskata charinchu, chay mutsuykunapash Antisuyupak mushuk kamachiypi yaykurinami kan, kay sumak yuyaykunatami manarak kamachiyta arinishpa llaktakunapi rimanakuna kan nirka.
Shinallatak kay Biodiversidad tantarita kipapushak, Yofre Poma, tawkasami tantarikunamanta, kamaywasikunamata, llaktakumanta shamuk runakuna mushuk yuyaykunata kushkawan alli kan nirka.
Chaymanta “Kay mushuk kamachiy runakuna wiñarichun, paykunapak kawsayta allichichun, pachamamata sumaychachun, pachamama llikata wakaychichun, tawkasamikawsay tiyachun, charimushka tiyakta kamachun, runakunapak yachay kawsachun achkata yanapanka” nirka.
JLVN/pv/jc-kcihwa
