Kay 4 puncha, panchi killapi llaktayukkuna iskankapi apuchita churashkata Mamallakta Tantanakuypi llankashpa shuk ñanta mashkakun, shina llaktakuna kaparishpa mañashkata ñapash paktachinka.
Tayta José Serrano Salgado, Mamallakta Tantanakuyta pushak chikan chikan llaktay tantarita pushakkunawan shuk rimanakuyta charirka.
Chay tantaripi ishkay yuyayman chayarka, kallaripika Comisión Ocasional tantarita wallpana, paykunaka kimsa, sukta tapuykuna hawa sinchita llankanka.
Kipamanka kay llankayta Mamallakta Tantanakuy pushana kakpimi shinanka; shuktak llankaytaka 2017 watamanta, 2019 watakama llankana ñanta ruranka.
Kallari rimanakuyta paktachinkapa kunan puncha Consejo de Administración Legislativa (CAL) tantarinka, kulka punchata tantari wallparinata arininka, shinami chay rimanakuna pataku iskun kamachiy killkakkuna yaykurinka, chaypak 45 punchata allichirinkapa charin.
Kay ashlla pachapak churashka tantari runakunaka kimsaniki tapuy hawa sinchita llankanka. Shinami chay Consejo de Participación Ciudadana y Control Social kamaywasipak kamachikkunata akllankapa mushuk ñan tiyarinka, kunanta llaktakuna apuchiwan akllanka, mana yallik watakuna shina mishanakushpa, mana nishpa akllarinkachu.
Chaypak, runakuna apuchishkata paktachinkapa kamachiykunawan mutsurishkakunata llankanka. Tapuyta tikrachinkapa Comisión Ocasional tantari 45 punchata charin, shinami Serrano Hatun Pushak rimarka, chay kamachiykunaka pawkar killapak, manarak 15 puncha paktakpi arinishka kanka.
Kay Plusvalía kamachiyta allichinka, kay pachapi kay kamachiypak mana alli nikikunata anchuchinka. Sukta tapuypi rimashkashina, Tapuymanta rikurishkata, Kamukipupi killkachishka punchamanta Mamallakta Pushak mushuk kamachiyta Mamallakta Tantakuyman kachankapa 15 punchata charin.
LILA/pv/jc-kichwa
