Mamallaktapak Warmikunaka: warmi wawakunata, imillakunata, pakta runakunata, yuyak warmikunata astwankarin kamanka.
Shinallatak mshuktak runakunatapash llakichishka kakpi Para Prevenir y Erradicar la Violencia contra las Mujeres kamachiywan harkanka.
Shinami kay kamachiytaka Mamallakta Tantanakuymi arinishpa Kamukipuman Killkarichun kachashka, kunanka ñami llankakun.
Kay kamachiywan Sistema Nacional Integral para Prevenir y Erradicar la Violencia llankayta wiñachishka kan, kay llankayta pushankapa 16 kamaywasikuna yaykurinka, llakita charik runakunata ukllashpa, kamashpa, llakita hampishpa llankanka.
Chay llankayta pushankapa, Mamallakta warmikunapak hayñita kamashpa paktachinka, akllashka llankayñanta charinka, ruraykunata chayachinkapa kullkita Mamallakta kunka. Kamachiy allita llankachun kullkipash tiyanka.
Shinami, warmi llakirishka kakpi, Mamallaktami hampikunawan, alli yuyaywan, kullkiwan, kamchiywan utkashpa yanapanka, chay yanapaymanta kullkita mana hapinka. Llakirishka warmita kamachiywan, ukllanka, shulka pushakwan, kitikamakwan, yanapak pankawan ukllak hayñiwan yanapanka.
Ancha llakikuna tiyakpika, ashtawanakarin kamachiymi utkashpa kamanka, llakirishka warmita ashtawan ukunta chukrichishpa llakichikta rikushpa ashtawan ñapash kamachiywan kamanka, ukllanka, shinami Sistema de Alerta Temprana llankaywan paktachinka.
Ashtawankarin, Mamallaktata warmikunapak hayñikunata riksichichun, ukllachun, kamachun mañanchik, yachayta llakirishka warmikunaman kawsaypi riksichishpa Mamallaktapak hatun kullkiwan yanapanka.
LILA/pv/jc-kichwa
