Tayta José Serrano Salgado, Mamallakta Tantanakuyta pushak, Lenín Moreno Mamallakta Pushak kayashka, paypakman chayarka.
Shinami 4 puncha Hatun Tapuypi runakuna arinishkata yanapanka.
Mamallakta Tantanakuyta pushak, Mamallaktapak shuktak Hatun kamachikkunawan “llaktakuna paykunapak shunkumanta arinishka achiklla kan, munashka kan”, nishpa riksichirka.
Kay rimaytaka Comisión Interamericana de Derechos Humanos (CIDH) rimashka kipami rurarka, tantarirka, chaywan Corte Interamericana de Derechos Humanos (CorteIDH) tantarita, chay Consejo de Participación Ciudadana kamaywasipak kimsa kamachikta yanapachun mañarka. Kay kunakkuna, kay Consejo Transitorio kamachikkuna wiñachinka llankaymanta surkushka kanka, kipaman shuk mushuk kunakkuna llaktakuna akllashpa churanka.
Runakuna arinishkata, Mamallaktapak Awllita ukllanka, chaypak shuktak ñankunata churanka. Shukka chay Corte Interamericana de Derechos Humanos wasiman rina kan, chay wasika Costa Rica llaktapimi sakirin.
Chaypi Ecuador llakta runakunawan arinishkata riksichinka. Taryta José Serrano Hatun Kamachik, mama María Fernanda Espinosa, ista kamachik; Rosana Alvarado, Justicia kamachik; Rafael Parreño, procurador subrogante kamachik; shuktak kamachikkunapsh rirka.
Kay llaktamanta rikkuna, kay Procuraduría General del Estado kamachik shuk killkata kamachiypi tiksirishpa kachashka hawa rimanka. Shinami kay parreño kay watapak kulla killa, 23 puncha, 31 puncha CIDH kamawasiman shuk killkashkata chayachirkanchik riman. “ Kay llakita allichinkapa mutsushka kakpi Comisión killkashkata chayachishka mana kamachiyman kimirishka”, shinami Istakamachik rimarka.
“Tukuylla awllikkuna llaktayukkuna 4 puncha, panchi killa achiklla, achkakuna arinishkata mana ukllashpa, mana kamashpaka, Mamallaktapak Mamakamachiy Hayñita mana ukllanchikchu”, shinami Mamallakta Tantanakuyta Pushak paypak twitter willana hillaypi rimarka.
Kay 7 puncha, kullakillapi shina willarka, chaypi llaktayukkuna paypak shunkumanta iskankapi pankakunata churashpa arinirka, kaytami sumaychana, kamana, ukllana kanchik nirka, chaytaka Mamakamachiypi rimashkata paktachirka. Shinallatak Mamallaktapak llakta ushayta kamaywasiyachina nirka, shinami Mamallaktapak kikin, chikanyashka llankayta charinka nirka.
LILA/jc-kichwa
