Kay Corte Interamericana de Derechos Humanos tantari, chay Convención Americana sobre Derechos Humanos kamachiypak 63.2 nikita hapishpa, uchilla kamachiypak 27 nikita, 31 nikita hapishpa hatun tapuyta anchuchinkapa mana nirka.
Shinami chusku apuchika arinirka, ishkay apuchika mana nirka, shinami Comisión Interamericana de Derechos Humanos tantari mañashkata mana chaskirka.
Ñami yuyarinkichik, kay Consejo de Participación Ciudadana kamaywasimanta kimsa kunakkunami, paykunapak kunakkunata ama surkuchun Comisión Interamericana de Derechos Humanos tantariman harkachun mañankapa rirka, ashtawankarin 3 niki tapuyta, kay kamaywasipi llankakkunata ama awllichun nishkata harkankapa rirka.
Kay minkashkakuna Corte Interamericana de Derechos Humanos kamaywasiman mañayta churarka chay pankata killkakatishka kipa mañashkata mana chaskirka, chay kipa Killkakamayuk Ecuador Mamallaktaman, Comisión Interamericana de Derechos Humanos kamaywasiman mana chaskishta riksichichun kacharka.
Kay Kimsa kamachikkunaka, kay Comisión mañashka, hatun tapuyta chaypilla sakichinkapa, harkana mana paktanchu nirka. Chaymanta kay Convención kamachiypak 63.2 nikipi rimashka mutsuykunata, uchilla kamachiypak 27 nikipi mañashkata mana paktachin nirka, chaykunamanta mañashkata mana chaskishpa harkarka.
JC-kichwa
