Mamallakta Tantanakuyta pushak José Serrano, chay Corte Interamericana de Derechos Humanos llaktayukkuna, paykunapak hayñiwan 4 puncha, panchi killapi Hatun Tapuypi arinishkata rikschishkata tukuykuman willarka.
Shinami kay tapuykunaka Mamakamachiymanta mana kanchaman kan, shina llankaykuna katinka nishpa riksichirka.
Shamuk 14 punchapi, Consejo de Administración Legislativa tantari rimanakuyta charinka nishpa willarka.
Kay kipaka 16 puncha, Mamallakta Tantanakuy rimanakuyta charinka, chaypimi Consejo de Participación Ciudadana kamaywasita allichinkapa, shinallatak Plusvalía kamachiyta mushukyachinkapa shuk minkashka runakunata churanka. " Shinami pawkar killka 14 punchakama ña allishka sakirinka", kaykunata tukuykunaman willarka
Chayka llaktayukkunapak mañayta hapishapa mushuk Consejo de Participación Transitorio tantariman yaykurichun shuktak runakunata churanka, paykunaka 2019 watakama llankanka, kipaman apuchiwan akllashpa hiniti llankachun kamachikkunata churanka.
Shinami Comitiva de Ecuador minkashka, 19h50 sayllata, Quito llaktapak Antanka Tiyarina kuskaman chayamurka, paykunami Costa Rica llaktapi, Corte Interamericana de Derechos Humanos tantariwan, ñukanchik Mamallakta Hatun Tapuypi Consejo de Participación Ciudadana y Control Social hawa charishkata willamurka, shinami llaktayukkuna apuchiwan arinishkata ukllanka.
Shuklla Mamallakta
Ista kamachik, María Fernanda Espinosa, chay Comisión Interamericana de Derechos Humanos tantari harkata churashkata, chay Corte Interamericana mana chaskishpa, pay " Yuyarita arinishka llaktayukkunapak yuyayta, llakta ushaytapash ashtawan sinchiyachin; ashtawankarin kamachiywan katishkata, kikinkayayta riksin", nishpa willarka.
Mama Rosana Alvarado, Paktakay Kamachik Mamallaktapi awllikkuna shuklla yuyayta charishpa awkikunata, Mamallaktapak munayta, runakuna iskankapi apuchiwan arinishkata, kunanpi llakta ushay tiyakta ukllana hawa rimarka
MG/pv/jc-kichwa
