Kay Ecuador llaktapak Mamallakta Tantanakuy llaktakuna kachashkata paktachinkapa shuk killata charin nirka, kayka may mutsurikmi kan nirka.
Manarak 16 puncha, pawkar killa chayakpimi llaktakuna 4 puncha, panchi killapi arinishkata shuktakyachina kan mirka.
chaypak Comisión Ocasional tantarita wiñachishka kan, shina takarik kamachiy killkakun, Mamallakta pushak, Lenín Moreno kachashkata paktachishpa nirka.
kay paktaytaka correístas kamachiy killkakwan, morenistas kamachiy killkakwan Alianza PAIS llaktay tantari ukupi rakirishka kipami kay paktaykuna rikurishka.
Hatun kamachikkuna ishkantin manyawan llankanami urman nirka. Kay llakitami Mamallakta Tantanakuyta pushak José Serrano, riksichirka. kay willaykunawanmi llaktakunapsh achiklla sakirin, kipaman ashtawan willaykuna uyashpa katinka.
Tapuy. Kanchish tapuyta llaktakunata tapushkamanta, ishkay tapuymi Mamallakta Tantanakuiyta yallichina kan. Imashinatak unipak kutintak akllanata Mamakamachiymanta anchuchinata yuyankichik, tapurka.
Kutichishka. Shuwa kashkamanta llankayta kichukpi wañushka, kay unipak akllarina, wamrakuna yumashpa llakichishka huchaka chay tapuy tikrachishka Registro Oficial Kamukipukpi killkarishkamanta ishkay punchapi ña llankay kallarirka.
Chay allichinakuna mana kamachiywan katina mutsurinchu. Ñami llankakun. Kay Consejo de Participación Ciudadana kunakkunata shuktakyachinami 2019 watapi marka kamachikkunata akllaypi allichirinka, shinallatakmi chay plusvalía allichina kanka.
Tapushka kipa puncha, Justicia Hatun Kamachik, chay plusvalía kamachiyka shuk mushuk kamachiywan rantinchishka kanka nirka. Llaktakuna arinishkamanta, shuktak kamachiy tiyana kanchu. Kay tapuykunata tikrachirka.
JC- kichwa
