Tukuykuna yuyarishpa kay Consejo de Administración Legislativa (CAL) tantari, llaktay tantarita pushakkuna, chay Consejo de Participación Ciudadana Transitorio kamachiktaka chilla, 28 puncha, panchi killapi shutichinka.
Shinami Mamallakta Tantanakuy llaktakuna 4 puncha, panchi killapi arinishkata paktachinka.
Shinallatak Chay punchami Consejo kamaywasiman kimirishka kamachikkunata llankaymanta apuchishpa anchuchirka, kay 2019 watapi mushuk kamachikkunata apuchiwan akllashpami unipak tiyachinka.
Hatun pushak José Serrano Salgado, Mamallakta Tantanakuyka kanchish ashalla pachapak kunakkunatami akllana kachun yuyarirka nishpa riksichirka, kipa kanchis kunakkunatapash shinallatakmi akllanka, kay shutikunataka Lenín Moreno, Mamallakta Pushakmi chayachirka.
Kimsa tapuy washaman killkashkapi, kipa kunakkunata akllana hawa mana imatapash nirkachu “Tukkuylla hayñipika imashina killkashkapi rimashkatallami paktachina kan”, shinami Patricio Donoso kamachiy killkak.
Shinami CAL tantariman yaykurishkata riman, kutin Serrano “ chay Consejo kamachik illakchayakpika, Mamallakta Tantanakuymi illak kuskapi tiyachinkapa shuk runata mashkanka”.
Mamallakta Tantanakuyta pushak, mana llaktay tantariman kimirishka kamachiy killkakkuna hawa rimarka, ista llaktapi, chay shuwashka kullkita wakaychik wasikunapi mana kullkita charichun, Mamallaktawan llankakyta rurashpa mana llakita charishkata rikuchichun nirka, Servicio de Rentas Internas kamaywasiwan mana manuta charina kan nishpa willarka.
LILA/pv/jc-kichwa
