Kunan chishi 18:00 sayllamanta Comisión Ocasional para el Trámite de las Leyes de Aplicación a la Consulta tantari, 4 puncha, panchi killapi llaktakuna 3 niki, 6 niki tapuykunata arinishka hawa llankanka, ñami kimsakutin rimanakuyta charirka.
Kallaripi shamuk hunkakunapi imatalla rurana iñukunata akllarka, kipaman llaktakunapi rimanakuyta charinkapa rimarka.
Shinapash manarak mayhan markakunapi runakunawan, kamchikkunawan, tantarikunawan, yunkallaktakunawan rimanakunata manarak rikunchu.
Imashinami Daniel Mendoza, minkashkata pushak rimashka, 16 puncha, pawkar killa mushuk kamachiyta Mamallakta Tantanakuy arinishkawan paktanami shuyan.
Yallik punchakunaka chaskapunchakunmi markapi tantarik karka, kunanmantaka kulka punchapash markaman rinata ushankallami, markamanta kamachiy killkakkuna mañakpipash kayatapash paktachinami kanka nirka.
Shamuk tantarika kulka puncha, 08:00 sayllamanta kallarinka, kutin 26 punchaka, pichkaniki tantari kanka, kipaka 28 puncha, pawkar killapi kanka. Kay pawkar killa 1 puncha, llaktapi kallari rimanakuy kanka, yuyayka ña tukuykuna yuyarishka willaywan 5 puncha, pawkar killkama chayana yuyaymi kan. Kay mushuk kamachiyta killkakushka pachapika tukuy punchakunami tantarikunata, kamaywasikuna, runakuna yuyayta churankapa shamunka. Kipalla sayllapimi mayhan llaktakunaman rinata akllanka.
Shukyuyaylla
Kay Plusvalía kamachiyta allichinaka, kay llankayman kimirishka tukuy kamachiy killkakkunami mana achka llankay tiyan riman, shinapash llaktakuna arinishkatami paktachina kan, chayka kay kamachiyta pichana yuyaykunami tiyan.
“Kitikuna ñawpa shinallatak llankashpa katikmi rikurinka, kitikunaka kunan katikuk kamachiypak tupukunawan sinchita chaspishkami karka. Kay arinishka mishaywanllami ña runakunaka charishkakunapi yuyan, shinami ”, Vicente Taiano kamachiy killkak rimarka.
Chay yuyaywan Luis Fernando Torres, Patricio Donoso, Fernando Burbano, Guillermo Celi, Encarnación Duchi, Montgómery Sánchez y Elizabeth Cabezas kamachiy killakkuna allita rikurka, paykunaka 2016 watapi arinishka kamachiy kutsiklla pichaska kachun yuyan, hatun tapuypi llaktakuna arinishka utka tikrachichun mañashkata paktachishka kanka.
MC/pv/jc-kichwa
