Tawka tantarikuna, Ministerio de Salud kamachikkuna, kamachiy killkak Norma Vallejo ishkayniki kayashkaman chayamurka.
Chaypi kay Código Penal kamachiy mana alli llankashkata rikuchirka, chaymanta mushuk Allikawsay kamachiy hampikkunapak, unkukkunapak hayñikunata yanapanka, shinallatak llankana akllashka pachakunata sumaychachun mañarka.
Unkukkunata allikaywan, sumakta chaskichun kamanka, kayka hatun, sinchi paktaymi kanka, shinllatak llankana akllashka pachakunata sumaychachun mañarka.
Shinami hampikkuna llankana saylla hawa Norma Vallejo kamachiy killkak tukuykunaman rimarka. Chaymantami kaykunata paktachinkapa llankana suni pachapi punchanta llakikuna tiyakta riksishpa kamachiyta allichina kan nirka.
Shinallatak hampikkuna pantarikpi ama yapata huchachichun chay Código Integral Penal kamachiyta utkashpami allicihina nirka, sinchi wanaykunata churakpi Mamallaktallatak llakita aparishka, llaktayukkunapash sinchita llakita charishka, hampina llika yapa chani kakpimi shina llakikuna rikurishka, chaymanta hampik amawtakunaka llakikunata ashayachinkapa shuktak ñankunata mashkan nishpa rimarka.
Chaymanta, Cecilia Falconí, Ministerio de Salud hatun kamachik, Código de la Salud kamachiyka shuktak 40 kamachiykunawan kimirishpa llankanka nirka, shinami kamachiypak wiñaykawsaymanta chamushka nishpa willarka.
Kay mushuk kamachiyka, hampinapi allita llankankapa mushuk hillaymi kanka nishpa kushilla karka, kay allikawsay llankayka Mamallaktapi hatunmi kashka, wakin runakunata charikyachishka, chaymanta achka runakuna kay llankayman yaykurinata munashka. Chaymantami kay mushuk kamachiyka maymutsurik kan, paymi unkukkunata yanpankapa imashina hampita rantina, ima hampita rantichun achiklla ñanta rikuchinka, shinami yapa rimarka.
MG/pv/jc- kichwa
