Kamachiy killkak Israel Cruz Proaño chay Inglaterra llaktapi, Mamallakta Tantanakuy Pedro Vicente Maldonado shutipi aknaypi karka.
Chay Londres llaktapak kiti ñanka “Maldonado Walk” shutitami sarin, pay kawsashpami Misión Geodésica Francesa amawtakunata yanaparka.
Shinami chay Real Academia de las Ciencias tantariman yaykurishka, Riobamba llaktamanta amawtami karka.
Kay Ecuador llaktamanta rikkunawan, inglés llaktapak kamachiy killkakkuna Burgomaestre, Ediles, Sir Simon Huglesm kamachikkuna chaypi karka, shinallatak Corte de la Reina kamachik, yallik partido liberal democrático tantarimanta pushak, hatun kamachikamanta shuktak kamachikkuna, kushipatakuna, Mamallaktamanta, istallaktamanta willakkunapashmi karka.
Kamachiy killkak Israel Cruz, payka Comisión de Educación tantariman yaykurishkami karka, wañuk Pedro Vicente Maldonado, amawta ayllullaktaman hatun yanapak kakpimi Riobamba llaktamanta, Juan Pablo Cruz kamachiy killkak, 2014 watamanta shuk kitiñan “Pedro Vicente Maldonado” shutita charichun llankamurka, kay killa, 10 punchapi shutichina puncha paktarka, kayka tukuy apya-yalapak, Ecaudor llaktapak kushiyarinami tukun.
"Kay aknayka tukuy Ecuador llaktapi kawsak runakuman hatun kushiyarimi kan, ñukanchik llaktamanta shuktak runakuna mana shinasami riksinaka mana tiyanchu", kay Apya-yalamanta chay Reino Unido llaktapi kawsak runakunamanka may kushiyarimi kan, ashtawankarin tukuy Ecuador llaktapak runakunami hanaparan, apya-yamanta shuk runami chay sumak llaktapi shutita charik sakirin.
Kay Pedro Vicente Maldonado amawtapak shuti ñanka, Londres llaktapak sumak kuskapimi sakirin, chayka Parlamento Británico Mamallakta Tantanakuypak kuchullapi kan, chay manyaman Casa del Primer Ministro Británico kamachikpak wasi kan, maypimi kapakkuna sawarin Primera Iglesia kuchullapimi kan. Chay Londres llaktapilla Ecuador llaktamanta 20 waranka runakuna kawsan, apya-yalamanta shuk hunu runakuna kawsan.
Imanik
Pay Pedro Vicente Maldonado kallarimantami taripak rikurirka. Allpapachapak amawtakunaman kimirishka karka, hatun runakunawan kimirishka karka, shinami Real Academia de Ciencias de París wasiman, Real Sociedad Geográfica de Londres tantariman yaykurishka karka, chaymanta Primera Misión Geodésica Francesa amawta tantariman yaykurishka karka. Chay Londres llaktapi kawsarka, chay kitipi, 1748 watapi wañurka.
RSA/pv/*jc-kichwa
