Kay Mamamallakta Tantanakuy pushak José Serrano Salgado kayna hunka tukuritaka, chay Mesa Directiva del Parlamento Latinoamericano, Caribeño (Parlatino) tantaripi karka.
Shinami chay tantaripak wasi Panamá llaktapi pusharirka, paymi kipapushak kan, 2018 watapi kay suyupi imatalla llankanata rikurka.
Shinallatak kay Ecuador llaktapi imashina Mamallakta Tantanakuy llankakushkata, pushakkuna llankakushkata Serrano riksichirka, ashtawankarin Para Prevenir y Erradicar la Violencia contra las Mujeres kamamchiy hawa achkata riksichirka.
Kay kamachiyka, kay watapak panchi killa, 5 punchamanta llankakun nirka, chaymantapacha Sistema Integral llankkayta wiñachirka.
Chaymanta Mamallaktapak tawka kamaywasikumi, kamachiy rimashkata paktachinkapa kimirishkakuna kan, paykunaka: llakita harkana, llakirishkata ukallana, chaskina, warmikunapak haiñi wakllirishkata allichina llankayta paktachikun nishapa willarka.
Mamallakta Tantanakuypak pushakka kay kamachiyta tiksi kachun rikuchirka, kipaman suyupi warmikunapak kawsayta rikushpa llakita harkankapa kamachiyta killkanka, kay kamachiyka ñalla llakita allichina, pakirishka hayñita allichina, runakunapak yuyayta allichina, karikuna warmipak yalli yuyayta anchuchina llankayta charin nishpa riksichirka.
Yapa, wakin minkashkakunapak llankaytapash riksichirka, chayka: Agricultura, Ganadería y Pesca tantaripak; Asuntos Políticos, Sociales, Integración tanatripak; shinallatak Medio Ambiente tantaripak, imashina Ecuador llakta, kay watapi, ayriwa killakama llankanata rikuchirka.
Kamachiy killkakkpura mushuk yuyaykunata hapina hawa; yachaykunata rantinpuray; maypimi kamachiy killkakkuna tantarishka Mamallakta Tantanakupi alli willaykunata rurashpa katina, shuktak mutsuykunatapash rurashpa katina.
LILA/pv/jc-kichwa
