Kay Fiscal General, Carlos Baca rimashka hawa, Mamallakta Tantanakuyta pushak José Serrano Salgado, kamachiywan wanachinaman yaykurichun mañarka.
Chaywanka imapachapi, ima punchapi chay ankipi maykunalla rimashka rikurinka.
Chaypimi mayhankunalla rimashpa huchachishkata, hucha rurarichun mayhanlla napashka riksirinka.
Kaymanta llukshishpa Carlos Pólit kamachikwan llaktay rimayta mana charishkata Serrano riksichirka, chaytami Alianza PAIS tantari yuyarishpa yuyaykunata kushapa yallik Contralor del Estado kamachikta llaktay wanachita rurachun yanapayta apuchiwan churarka.
Shinallatak Mamallakta Tantanakuyta pushak shina, llaktata yanapak awllikshina runakunawan, llaktayukkunawan, yallik awllikkunawan rimani, paykuna wanayta churan, wanay pankakunata chayachin nirka, wanayta riksinkapa kallari pankakunata chayachishun nishapa riman.
Kay tukuylla llankaypika kaymi ñukapak kawsaypi kashka, kay llaki tiyakpi kunkarinata, shuwayta, shuwakunata takankapa ñakarimushkani nirka, chaykuna chay rimanakuykunaka shuktak runakunata huchachinka, ama kashkachu, chaymanta hucha tiyashkata riksinkapa taripayta rurakunchik nirka.
Tukuy llaktay tarikuna wankurishka
Chuskunikipika, kay llakikunata rikuchishpa Mamallakta ukupi ashtawan llakikuna tiyashpa runakunapak kawsayta mana alli kachun mashkan, kay llakikua rikurishkata taripachun shuk minkashka kamachikunata Mamallakta Tantanakuypak ukupi churana nirka, chaymanka llaktay tantarita pushakkunami yaykurinka, 30 punchapi kamachiywan wanachina, 2010 watapi llaktay llakita, 30 S llakita taripachun churana nishapa riksichirka.
PV-MG/jc-kichwa
