Kay Comisión de Derechos Colectivos pushak, Jorge Corozo, chay Protección Prioritaria de los Derechos de las Personas Adultas Mayores kamachiyta kallari atinakuyta charishpa yuyak runakunapak, pishiyashka runakunapak hayñikunata ukllana llikata wiñachinamanta mañarka.
Kay Adulto Mayor kamachiyka achka kamachiykunatami charin, shinapash mayhan kay kamachiykunata paktachina kakta mana riksirin.
Shinami shuk kamachiy killkak yuyak runakunapak hayñikunata ukllanata minkashka tiyana kan nirka, tawka kamaywasikunami minkashka kan, chaypak tukuylla llaktayta churana nirka.
Kay Ecuador llaktapi shuk hunu 246 waranka pishiyashka runakuna kawsan nirka, chaymantami paykunapak hayñikunata ukllana kan nirka, paykunaman Mamakamachiypi rimashkata, 1991 watapi killkashka Anciano kamachiypi rimashkata paktachina, kunanka ashtawan allichirinata mashkana kan nirka.
Kay kamachiy llankayta minkashka, tawka kamachiy killkakkunapak, tukuylla, shukpaklla kamaywasikunapak yanapayta chaskirka, shinallatak Ministerios de Salud kamaywasipak, Inclusión Económica kamaywasipak, Patronato San José kamaywasipak, tantarikunapak, yuyak runakunata yanapak, tukuy runakunapak yanapayta chaskirka.
Kay Kamachiyka kimsa hatun yuyayta charin nirka, kallaripika yuyak runakunataka ayllumi ama waktashka, tsiknishka, kumurichishka kachun rikunata charin. Kipamanka runakaskunami rikuna charin; katipika Mamallaktami ama yayñikunata pakishpa llakichichun rikunata charin nirka.
JLVN/pv/jc-kichwa
