Kunan 10:33 sayllata, José Serrano, Mamallakta Tantanakuyta pushak, chay Luis Macas, Myriam Félix runakunawan kanchis Consejo de Participación Ciudadana de Transición kunakkuna huntarka.
Kay Luis Macas, llankaypi tiyachishka kipa, tukuy runakunapak tantarikuna, Ecuador llaktakuna ashalla pachapak mushuk kunakkunata yanapashkamanta ashata mancharini nirka.
Kallaripika kay kamaywasi kamachiywan awllipi allichirichun llankana nirka, chaypak achiklla llankayta pushanka, chaypak uchilla kamachiyta allichina, rikuna kanka nirka.
Runa tantarikuwanlla, shuktak tantarikunawanlla arinishkata charinichu, tukuy Mamallaktawanmi arinishkata charini nirka.
Shinallatak “Llaktaka ñami harkak kamaywasikunata kamaykurka, chaymanta ñukanchikkamanka kamachiywan paktakayta, sinchita llankashpami paktachinallami sakirin nirka”, kutintak rimarka. Llankayka harkak kamachikkunawanmi kallarina kanchik nirka. “Huchakunapi mana satirishkachu kana kan”.
Mishanakuy akllay
Mishay akllaymanta, kaytaka rikunami kan nirka, kaypak llaktayukkunapak yanapayta mutsushun. Kay Cpccs transitorio allita llankachunka llaktayukkunamanta shamuk runakunawan rikukkuna tiyanami kan, kay achikllami rikuna kan.
Kay Luis Hernández kunak, payka chilla tuta Mamallakta Tantanakuypi tiyarirka, payka yapa hatun llankaymi kan nirka. Shinallatak, runakuna hamutana ñanta mashkashun nirka, allita yachak kari warmi kari runakuna kay llankayta.
Payka Macas rimashkaman kimirirka, paypash Ecuador llaktamanta llaktayukkuna kay Consejo transitorio tantarita yanapayta mutsunchik nirka. Shinaka shamuk hunkapi kipa kunakkunata akllashpa tiyachina nirka.
Kunakkuna llankaypi tiyarina pachapi Unidad Educativa Alfredo Pérez Guerrero, San Pablo del Lago yachana wasimanta, Imbabura markamanta yachakukkuna kaypi karka.
MC/pv/jc-kichwa
