Kay Ecuador llaktapak Mamallakta Tantanakuymi allpapachapi kamachiy killkakpak llankayta kallari rikuchin.
Kay kamachiy llankayta, llankay katinata Naciones Unidas tantaripak Objetivos de Desarrollo Sostenible llankayman tinkirin.
Shinami 2030 watapak katikillaman yaykuchin. Kaytami José Serrano Salgado, Mamallakta Tantanakuyta pushak ishkay killa llankay ukupi riksichirka.
Kay tinkirishka llankaymi Mamallakta Tantanakuy paypak llankayta tupuchun yanapan, paypak paktana yuyaykunata paktachichun yanapan.
Kay mitapi takayta, wakchayayta, mana pakta kayta, miyuy hampita anchuchinkapa kamachiykuna arinirishka kan nirka, Serrano rimarka. Shinallatak allikawsay, yachay, llankay tiyachun, kapukyay, mintalay, kapukwasi mirarichun, shuktakkunapash mirarichun kamachiykuna arinirishka kan.
Imamantakuna
Kay, 31 puncha, aymuray killa, 2017 watapi, Serrano Mamallakta Tantanakuyta pushak tukunkapa 17 puncha sirikpi, Arnaud Peral kamachikwan shuk rimanakuyta charirka, payka: coordinador residente del Sistema de Naciones Unidas kamachikmi kan.
Chaypimi ishkantin 17 ODS hawa llankankapa arinirkakuna, kay llankaywan wakchayayta, allpapachata ukllana, tukuy runakuna allita kawsachun llankachun nirka. Shinami chay watapi, raymikillapi 12 puncha, chay Memorando de Entendimiento pankata killkarka, shinami chay ista tantarita yanapanka.
Shinami kay rikuyta ashtawan ñawpakman pushankapa Mamallakta Tantanakuy shuk hatun Yuyarita arinirka, shinami 2030 watakama Mamallakta Tantanakuypak ruraypi shuk Katikillata mirachinkapa yuyarirka. Kay pankataka tukuy llankaypi mañashka kachun churarka, hatun kamachikpash paypak hatun willaypi rikuchichun nirka.
Kay pachapika, chay Grupo Parlamentario por la Erradicación de la Pobreza y el cumplimiento de los ODS llankay hawallatak llankayñanta rikuchichun mañarka. Kay tantari wiñarishkataka, Mamallakta Tantanakuyta pushakpak ukupi, sitwa killapi, 2017 watapi kipurirka.
LILA/pv/jc-kichwa
