Imshinami llankay tantarikuna, hamik tantarikuna, kuyu tantarikuna, hillayta allichik, punkarapi llankak tantari shamurka.
Shillatak, yachachik, chikan llankakkuna, shuktakkunapash Comisión de los Derechos de los Trabajadores y la Seguridad Social tantariman chayamurka, chayman mushuk Código del Trabajo kamachiyman paykunapak mañayta chayachirka.
Kay Carlos Proaño, payka Asociación Nacional de Soldadores Industriales de Alta Gama tantarimanta kan.
Chaymantami kamachiy hillayta allichinata hawaman yachak kakta riksichun mañarka. “Punkarata surkuk llankakwasipi 40 watamanta Mamallakta wiñariychun maymutsurik llankayta rurachik nirka, shinapash mana ñukachikpak shutita mañashka, kunankama shitashka kawsanchik”, nishpa rimarka.
Shinallatak Gonzalo Cárdenas, payka Coordinadora Nacional de Movimientos Sociales por la Democracia y el Socialismo tantarimantami shamun, kamachiy tawata allichina kan nirka, kunanka llankachikkuna llankakkunapak hayñita punchanta paktachichun nirka, llankaymanta payayashpa llukshishka runakunamantami rimarka.
Kipaka, Galo Yupangui, payka Sindicato Único de Trabajadores del Hospital “Enrique Garcés” tantarimantami shamun, llankaykuna mana unipak tiyashkamantami llakilla kani nirka, chay llakitami paypak shuk mashi llakita charin nirka, 6 watamanta llankamuk runakunata llankaytamanta surkun nirka.
Paymanta Fernando Leiva, payka Empresa Pública Metropolitana de Servicios Aeroportuarios tantarimanta shamurka, ishkantin tukushpa kay Código del Trabajo kamachiyta wallpankapa yuyaywan karka, paykunapak hayñita sumaychachun mañarka.
Kutin, Liliana Durán, kay minkashkata pushak, Código Laboral kamachiyta llankankapa yuyaywan kani nirka, tukuy llankakkunata pushamuchun nirka, mayhan llankaymanpash yaykuchichun mañarka, yumay llankayta chariktapash yaykuchichun nirka, wasipi llankakkunatapash yaykuchichun mañarka, achka tisikun runakuna, pakta runakunapash llankayman shamuchun shuyan.
Ña tukuchinkapa, Liliana Durán llaktakunapi rimanakuypika 14 waranka runakuna rimashkatami uyashkanchik nirka, chay rimaykunaka Código Orgánico Integral de Trabajo kamachiy hawami pusharirka.
RSA/pv/jc-kichwa
