Kay María José Carrión kamachiy killkakta akllaypak ukupi, Elizabeth Cabezas Mamallakta Tantanakuyta pushak tukuchun kimsa warmimanta akllarishpa mishachun llankakunchik nirka.
Chaytamantami “kallari shutiwan kimirinchik, shinami shuktak llaktay tantarikunaman shuklla akllarichun rikuchishun nirka, chaymi shuktakkunapash yanapanka”, shinami Movimiento Alianza PAIS llaktay tantarimanta, Ximena Peña kamachiy killkak rimarka.
Pay, Elizabeth Cabezas kamachiy killkak tukuykunawan rimanakuyta charina yuyayyukmi kan, shuklla yuyayman llankayta chayachina rimaytami charin, ushayman chayankapa runakunamanta mutsurishka apuchita charinka, shina Mamallakta Tantanakuyta pushak tukunka.
Shinallatak Ximena Peña, chay Integración Nacional llaktay tantariwan rimayta charishkata willarka, paykuna Cabezas pushak tukuchun yanapashun nishka. Kunan punchami SUMA tantaripash paypura rimanakuyta charinka nirka, paykunapash yanapankapa arininka nirka.
Chaypak kunan puncha kallpaypi llakta tantarikunawan, llaktay kuyurikunawan rimanakuyta charishun nirka, chaypimi Elizabeth Cabezas kamachiy killkakta Mamallakta Tantanakuyta pushak tukuchun yuyarishun mañarka.
JLVN/pv/jc-kichwa
