Chay Consejo de Participación Ciudadana y Control Social (CPCCS) kamachiyta atinakunkapa kallarishpa, Comisión Ocasional tantarita pushak, runakuna Consulta Popular llankayata pushashpa 3 tapuyta, 6 tapuyta paktachinkapa Daniel Mendoza rimarka.
Chay kamachiy killkak: kari warmi runakuna, runakunamanta, yanakumanta, yunkakumanta runakuna shamuchun nirka, CPCCS tantariman yaykurichun rimarka.
Chay Consejo Nacional Electoral (CNE) kamaywasi akllachun shuklla yuyayta charishkanchik, akllarikkuna allita akllarichun shuk mutsurik ñankunata mashkana nirka.
Chay Participación Ciudadana kamaywasipak kunakkunata CNE akllachun nirka, kunakkuna mishanakushpa, mana nishkawan alli runakuna akllarichun kimirik mutsuykunata churana.
Akllarinkapa mutsuykunamanta akllashpa, kunak kankapa 18 watamanta, 30 watakama charichun wichiyachirka, tawka watata shuk tantaripi llankashka yachaymanta kana, shuwaykumanata llankashka illuta charina nirka; llakta kuyay arinishka yuyayta charina, tukuykuman llankana kallari yuyayta charirayana nirka.
Kari warmi sawarishkakuna akllarinkapa mana yaykurinka, kari warmi mana sawarishka kawsak, chusku pakta yawar aylllu kashpa, chay Consejo Nacional Electoral kamaywasiman mana kimirishka kana, kamachiy killkakpak ayllu mana kana, shinallatak kunan punchakama Consejo de Participación Ciudadana tantaripi llankakpak, hatun kamachikpak mana ayllu kana.
Shinallatak pichka watata llaktay tantariman kimirishka, llaktay tantarita pushak, llaktay taripi yallik watakuna llankashmanta mana akllarinka.
Tukuylla mitachikuna llakita charishkamanta Consejo de Participación Ciudadana y Control Social kamaywasiman mana yaykurishka, kay llakikunata rikushpa suk mutsuyta churana, harkashkaman mana uyashpa kimiriashka mitachikuna mana akllarinkapa anchurina kan.
Riksichinamanta
Mendoza kamachy killkak, karikari llaktayukuna rimashka Comisión Consulta 2018 llankashkaman achkata yanaparka, shina hatun rimanakuykuna, atinakuykuna rikurishka. Kay llankayta minkashka 23 tantarikunawan rimanakuyta charirka, paykuna mushuk yuyaykunata churarka; chay Manabí, Azuay Cañar markakunamanta runakuna mushuk yuyaykunata churashka.
RSA/pv/jc-kichwa
