Kay Willana hillaykunapi muyushpa, kay Alianza PAIS llaktay tantariman kimirishkakuna Elizabeth Cabezas Mamallakta Tantanakuyta pushak tukuchun mañan.
Kamachiy killkak Esteban Albornoz rikukpika, Ecuador Mamallaktata pushak, Lenín Moreno chay warmi pushak tukuchun yanapayta charin, kaya chilla, 14 puncha, pawkar killapi, paypak shutita Mamallakta Hunata tantaripi churanka.
Kay Albornoz, kamachiy killkakpak yuyaypika Ecuador llaktapi kawasak runakunapak kawsayta yanapanka shuk katikillata charina mutsurin nirka, llaktakunaman llankayta rikuchishun yuyashpa. “Chayta yuyarishpa shuk akllarinata rikuchinchik”, rimarka.
Shinallatak Ricardo Zambrano, Alianza PAIS llaktay tantaripak killkakamayuk, Ecuador llakta hatun llakita charikta rikushpa tukuykuna wankurishka kanchik nirka, kamachiy killkak Cabezas Mamallakta Tantanakuyta pushak tukuchun yanapanchik, payka shuwakunata harkankapa, anchuchinkapa kamana kan, shina kay llankay Mamallaktaṕi kamaywasi tukunka nirka.
Kutin wallpay
Kamachiy killkak Ximena Peña, shuktak llankak tantarikunta Elizabeth Cabezas, pushak tukuchun yanapayta mañarka, chaypak Mamallaktapi kamaywasiyachun nirka. Shinallatak Mamallakta Tantanakuyta minkashkakunata allichina nirka. Kay Consejo de Administración Legislativa Tantarikunata achkata yanapanka.
MC/pv/jc-kichwa
