Shamuk chaska 16 puncha, pawkar killapi, Mamallakta Tantanakuypak ishkayniki, kipapushak, Carlos Bergmann, Manta llaktapi pay llankashkata riksichinka
Chaypi pay kanchis killata imatalla rurashkata runakunaman willanka, payka kamachiy killkakmi kan, Comisión de Régimen Económico del Parlamento tantariman yaykurishka kan.
Chay tantaripimi llaktakuna pay llankashkata rikisinka, shinallatak paykuna imtalla mutsushkatapash uyanka, chay mutsuykunata Mamallakta Tantanakuypak rimanakuypi rikuchinka.
Chay riksichinamanka tukuy llaktakuna uyankapa chayankallami, chay willaytaka chay llaktapi kawsak runakunami yallita riksinka uyashpa, paykunapash kamachiykunata killkakypi yanapshkata. Chay willayka 10h00 sayllamanta kallarinka, chay Auditorio de Trabajo Social ukupi, Universidad Laica Eloy Alfaro de Manabí wasipi pusharinka.
Kay “ Manabí llaktaman Mamallakta Tantanakuypak sapan llankayka, kay llaktapi kawsak runakunapi yuyashpa, ñukanchikta kachakkunata yanapanarayku llankashkami kan”, shinami Bergmann kamachiy killkak rimarka.
Hunka hunka
Shinami tukuy kamachikkuna pay llankashkata llaktakunaman riksichinata charin. Shinapash Bergmann kamachiy killkakka sapan hunkapimi ankiwan pay llankashkata “Contigo Siempre” shutiwan llaktakunaman riksichin, shinami Mamallakta Tantakuypi imatalla llankashkata riksichin. “ Kachakkunata uyana kanchik, paykunanantin tanta llankana, shina paykunapak mutsuyta riksishapa kamachiyta killkana”, rimarka.
MC/pv/jc-kichwa
