Kamachiy killkak Augusto Espinosa, willana hillaykunapi paypak Comisión de Educación tantaripi llankanamanta anchurisha nirka.
Mamallaktapak alli kachun yachay hawa rimanakuyta charinka chayman yaykurishka kamachiy killkakkuna mana chayamurka, chaymanta quórum mana tiyarka nishpa huchachin.
Kay kamachiy killkak rimayta charik, pay llankaymanta anchurinkapa Mamallakta Tantanakuypak mushuk kamachikkunaman anchurini nishpa pankata chayachinka.
Shinapash minkashka ukupi llankaywan katisha nirka, tantaripi rimayta charishpa, kunankama yachaypak patakuna paktashkata ñawpakman pushashpa katisha nirka. Shinallatak Ecuador llaktapi yachaykuna paktashkata ista llaktakunaman tukuylla llaktayta yachaypi churashkata ukllashpa katisha nirka.
Kay kamachiykunata allichishpa katisha, pantaykuna tiyashkata allichishpa, shina llankaypi kamachiykunawan llankashpa katina nirka, chaymanta minkashka ukupi llankakkunata runapura paktapakta kawsayta charichun ñakarishpa katishun nishpa kayarka.
Ñuka minkashkamanta anchurikpika Silvia Salgado kamachiy killkak ashalla pachapak tantarita minkashka katinka Espinosa rimarka, shinapash mushuk Pushakta churankapa ña utkashpa suk tantariman kayana kan, shinami Función Legislativa kamachiyka willan.
Kay yachay tantaripika chikan chikan yuyaymi takarin nirka, shukkunaka yachay tukuy runakuman chayachun ñakarinchik nirka, shuktakkunaka yachayta katuna yuyayta charin; mayhanlla kikinllatak yachaymanta llankashpa katinata munanchik, shuktakkunaka llakita rurashpa katinata, yachayta mana kanchaman riksichishpa katinata yuyan. Hatun yachay ashtawan tukuyman paktashpa katichun mañanchik nirka.
Chaymanta paypak rimayka achikllami karka, yallik punchakunamanta chay Comisión de Educación tantarimanta kay Educación Superior kamachiypak, Educación Intercultural kamachiypak willaykuna allichirikpi anchurisha yuyarkani nishpa willarka.
JLVN/pv/jc-kichwa
