Mushuk Mamallakta Tantanakuyta pushak, Elizabeth Cabezas Guerrero, kay Salón José Mejía Lequerica ukumanta kanchaman, runa tawka tantarikunapak, kiti ayllullaktakunapak yupaychayta chaskirika.
Chaypimi imatalla Mamallakta Tantanakuypi llankana katikillata riksichirka, chay llankaykunawan Mamallakta wiñarinka nirka.
“Tukuy kawsaypi kikintin mashi Elizabeth” nishpa llaktayukkunapak tantari rimarka, shinami mushuk mita kallarikpi shina kushiyarirka.
Kipaman runakunaka, paypi shunkuta churashpa Mamallakta Tantanakuyta alli ñankunata pushanka nishpa kaparirka, shina Ecuador llaktapi kawsak runakunaman yanapanka.
Paymanta, kunanlla shutishka hatun pushak, Mamallakta Tantanakuypi llakikuna rikurishkata llakirirka, kay llakitaka Ecuador llaktapi kawsak runakuna chaskinata mana ushanchu. “Imashina kashpapash, Mamallaktapi punchanta llankashpa yuyashkawan paktankapami arinishka kanchik”, rimarka.
“Llaktaka mana llullashpalla llankachun, allita pushachun, rimashkata paktachichun mañan, ashtawankarin achiklla rikuchichun mañan, chay ñanpimi ñukanchikpak llankayka pusharinka”, nirka.
Tukuchinkapa, “ kari warmi mashikuna tantarishkami kanchik, Mamallaktapak tawsami kikin kawsaymantami rikurinchik, shinami hawa pata tantariman, shuklla yuyayta charinkapa paktashkachik nirka; tukuykuna kasilla, paktakay, paktaraki, paktakay Ecuador llakta charichun llankashun”.
Kipaman, paypak kusantin, willana ñankuna tapushkata tikrachirka. Chaypi 30 watata sawarishka kawsashkata willarka, paypak aylllukuna kay sinchi llankayta, hatun awllita punchanta yanapanka nirka.
MG/pv/jc-kichwa
