Shinami willay kamachiyta, Intercultural Bilingüe kamachiyta, Educación Superior kamachiyta, mushuk llankayta wiñachina Mamallakta Tantanakuypak katikilla kanka.
Shinami Elizabeth Cabezas, Mamallakta Tantanakuypak pushak rimarka. Kaytami karurikuchik willaypi rimarka.
Ashtawankarin llankakpurakuna mushuk ñawipurayta, wallpata mushukyachina, llankayta katinata willarka.
Mamallakta Tantanakuypak kamachikkunata rantinchina hawa “ama llaki tiyachun nikishpa wallpanka”, “tukuyta wallpanaka mana mayhanpak munay kanchu”, wakin minkashkakunapak llankay shayarishkami rikurin “chayka minkashkapura mana makita kushpa llankashkamantami shina rikurin”.
Chaymanta Augusto Espinosa, Comisión de Educación pushak anchurishka, shinallatak anchurina yuyay shuktak llankay patakupi tiyashpaka allimi kanka, chay minkashkakunapipash llakimi tiyan, imashinami Relaciones Internacionales tantaripi llaki tiyan nirka.
“Mana shina kakpika rantichinami alli kanka”. Kay CAL tantarimanta, ñitkari tiyashkakunatallami rikuna kan, pushaktami rikuna kan. “Ñukanchikpak yuyayka Mamallakta Tantanakuy Pushakta yanapachun shuk kunakta churanatami yuyachin, ña churashka katikillata tankanatami paktachina kan”.
Agenda parlamentaria
Mamallakta Tantanakuypak katikilla
Hatun pushakka, Mamallakta Tantanakuyka mushuk llankaytami charin, chayka: kullkita, kamayta, hayñita, shuktakunapash mirachichun kamachiyta allichinami kan. Llaktakuna mañashpa shamushka shukatak llankaykunatapsh ruranami kan, imashinami Willay kamachiyta allichina, shuktakunapash kan.
Llankayta katina
Kayka “Tiksi llankaymi kan. Kay pachakunapika shuwaykunami yallita rikurishka, Mamallakta Tantanakuymi tukuylla awllikkuna imashina llankaykunata rurashkata riksinkapa katinata charin, manarak llakikuna anchayakpi allichina kachun katinami kan”, shina Mamallakta Tantanakuyta pushak paypak yuyayta charirayarka.
Shinapash “tukuylla awllikkunata katikachak, llakichik mana rikurinkachu”. Imashinami Carlos Baca kamachikta, fiscal general del Estado kamachikta, llankashkamanta willaykunata chayachichun mañashun nirka.
LILA/pv/jc-kcihwa
